Jaǵa ustarlyq jaıt jyl basynda Túrkistan oblysy Ordabasy aýdanyna qarasty Tórtkúl aýylynda bolǵan. Oblystyq qylmystyq ister jónindegi mamandandyrylǵan aýdanaralyq soty alqabı quramymen aıyptalýshylarǵa qatysty úkim shyǵardy, dep jazady Egemen.kz.
9 synyp oqýshysynyń jerlesteri «1 mıllıon teńge bermeseń jelige jalańash beıneńdi júktep jiberemiz» dep qorqytqan. Keıinnen qyzdy pyshaqtap, denesin sýǵa aǵyzyp jibergen.
Túrkistan oblysy qylmystyq ister jónindegi mamandandyrylǵan aýdanaralyq sotynda alqabı quramymen qos jasaýshyǵa qatysty qylmystyq is qaraldy. Sot úkimimen negizgi aıyptalýshy Qazaqstan Respýblıkasy Qylmystyq kodeksiniń 194-babynyń 1-bóligimen, 99-babynyń 2-bóliginiń 10, 14-tarmaqtarymen kináli dep tanylyp, oǵan 16 jyl bas bostandyǵynan aıyrý jazasy taǵaıyndaldy. Al sybaılasy Qylmystyq kodekstiń 434-babymen kináli dep tanylyp, oǵan 1 jyl 4 aı bas bostandyǵynan shekteý jazasy taǵaıyndaldy.
Alqabıler shyǵarǵan úkim zańdy kúshine engen joq.