SQO Polısııa departamenti ekstremızmge qarsy is-qımyl basqarmasynyń qyzmetkerleri Qazaqstanda tyıym salynǵan "Ata joly" okkýlttik-mıstıkalyq dinı aǵymynyń ókili - Petropavl turǵynyn anyqtady, dep habarlaıdy Egemen.kz.
«Turǵylyqty jeri boıynsha ol dinı atrıbýttardy qoldana otyryp, dástúrli emes emdeýmen aınalysqan. Belgilengen tártippen tirkelmegen qoǵamdyq, dinı birlestikterdiń qyzmetine qatysý faktisi boıynsha QR Ákimshilik quqyq buzýshylyq týraly Kodeksiniń 489-babynyń 10-bóligi boıynsha materıal jınaldy», dep jazdy SQO PD baspasóz qyzmeti.
Aıta ketsek, Qazaqstanda 2009 jyldyń 5 aqpanynda "Ata joly" aǵymyna tyıym salyndy. Sekta basshylyǵynyń bir izbasary óz-ózine qol jumsap, alaıaqtyq jasady dep aıyptaǵannan keıin Almaty qalasynyń mamandandyrylǵan aýdanaralyq ekonomıkalyq soty "Ata joly" JShS-ni taratý, onyń ishinde BAQ arqyly osy sektanyń qyzmetin nasıhattaý jáne taratý jónindegi qyzmetke tyıym salý týraly sheshim shyǵardy.
«Nebári 11 aıdyń ishinde SQO PD ekstremızmge qarsy is-qımyl basqarmasynyń qyzmetkerleri oblys aýmaǵynda dinı zańnamany buzýdyń 24 faktisin anyqtady», delingen polısııa habarlamasynda.