Bir emes, eki birdeı oblystyń ortalyqtandyrylǵan sýmen qamtamasyz etetin «Astrahan-Mańǵyshlaq» magıstraldy sý qubyry qaıta jóndelip, iske qosyldy. Osylaısha, qubyrdyń qýattylyǵy 1,5 ese artty. Paıdalanýǵa berilgen 177 shaqyrym qubyr Atyraý jáne Mańǵystaý oblysynyń, sondaı-aq Jańaózen qalasynyń aýyz sýǵa qatysty qajettiligin óteıdi.
Premer-mınıstr Álıhan Smaılov atap ótkendeı, qaıta jańǵyrtylǵan «Astrahan-Mańǵyshlaq» magıstraldy sý qubyry Atyraý jáne Mańǵystaý oblystarynyń halqy men kásiporyndary jáne aýyl sharýashylyǵy úshin táýligine qosymsha 60 myń tekshe metr sý berý kózine aınalady. Joba aıasynda tozyǵy jetken jabdyqtardy jańartý jumystary júrgizilip, uzyndyǵy shamamen 177 shaqyrym magıstraldy sý qubyrynyń eki ýchaskesi aýystyryldy. Qurylysqa 500-den astam adam jumyldyrylǵan. Sonyń nátıjesinde «Astrahan-Mańǵyshlaq» sý qubyrynyń ótkizý qabileti táýligine 110-nan 170 myń tekshe metrge deıin artty.
«Sý qubyryn kúrdeli jóndeý belgilengen merzimnen buryn aıaqtaldy. Oǵan tıimdi jobalyq sheshimder men joǵary qurylys qarqyny nátıjesinde qol jetkizildi. Bul joba sońǵysy emes, óńirde sýmen qamtamasyz etýge baılanysty basqa da aýqymdy jobalar bar», dedi Á.Smaıylov.
Úkimet basshysynyń aıtýynsha, eki óńir úshin strategııalyq mańyzy zor «Astrahan-Mańǵyshlaq» magıstraldy sý qubyryn kúrdeli jóndeý belgilengen merzimnen buryn aıaqtaldy.
«Oǵan tıimdi jobalyq sheshimder men qurylys jumystaryn sapaly júrgizýdiń nátıjesinde qol jetti. Bul osyndaı jobalardyń sońǵysy emes. О́ńirde sýmen qamtamasyz etýge baılanysty basqa da aýqymdy jobalar bar», dedi Á.Smaıylov.
Máselen, Kendirli kentinde jalpy qýaty táýligine 50 myń tekshe metr bolatyn sý tushytý zaýyty salynyp jatyr. Atalǵan kentten Jańaózen qalasyna deıin uzyndyǵy 105 shaqyrymdy quraıtyn magıstraldy sý qubyry tartylady.
«Bizdiń maqsatymyz – 2026 jylǵa qaraı eldi mekenderdi 100 paıyz aýyz sýmen qamtamasyz etip, turǵyndar men óndiris oryndaryn odan ári turaqty beriletin sýmen qamtamasyz etý. Bul úshin jańa gıdrotehnıkalyq qurylystar men sý qubyrlaryn salý, qazirgi qubyrlardy jańǵyrtý boıynsha jobalar iske asyrylyp otyr. Eldi mekenderge sý taratý jelileri salynyp, al shalǵaı aýyldarda jerasty sý kózinen sorǵy modýlderi ornatylyp jatyr. Aldymyzda áli de kóp jumys bar», dep atap ótti Úkimet basshysy.
«QazMunaıGaz» UK» AQ basqarma tóraǵasy Maǵzum Myrzaǵalıevtiń aıtýynsha, jobany iske asyrý kezinde qazaqstandyq ónim óndirýshilermen iskerlik baılanysqa basymdyq berilgen. Máselen, telekommýnıkasııalyq jáne baqylaý jabdyqtary, katodty qorǵaý stansalary men avtonomdy gıbrıdti qondyrǵylar, sondaı-aq qubyr ónimderiniń bir bóligi otandyq óndirýshilerden satyp alynǵan.
«Mańǵystaý oblysyndaǵy Kenderli kentinde salynatyn zaýytty jobalaý jumystary júrgizilip jatyr. Osy kezge deıin ınjenerlik-geodezııalyq, ınjenerlik-geologııalyq, batımetrııalyq izdestirý jumystary, zerthanalyq jáne kameralyq jumystar atqaryldy. Bolashaqta bul sý tushytý zaýyty «Astrahan-Mańǵyshlaq» magıstraldy sý jelisine túsetin júktemeni azaıtady. Al qaıta jańǵyrtylǵan «Astrahan-Mańǵyshlaq» magıstraldy sý qubyry – strategııalyq mańyzdy nysan. О́ıtkeni Atyraý oblysynyń Qurmanǵazy, Isataı jáne Jylyoı aýdanynyń, Mańǵystaý óńirindegi Jańaózen, Beıneý, Mańǵystaý, Qaraqııa jáne Túpqaraǵan aýdany úshin jalǵyz ortalyqtandyrylǵan sý kózi bolyp otyr. Qubyrmen kelgen sýdy Mańǵystaý oblysy turǵyndarynyń – 35, Atyraý óńirindegi turǵyndardyń 28 paıyzy tutynady. Jyl saıyn turǵyndardyń sý tutynýy kórsetkishi 4-5 paıyzǵa artyp keledi», dedi M.Myrzaǵalıev.
«Astrahan-Mańǵyshlaq» magıstraldy qubyryna sý Edil ózeniniń saǵalyq salasy Qıǵashtan alynady. Al Qıǵash – Atyraý men Reseı Federasııasyndaǵy Astrahan oblysynyń shekarasyndaǵy ózen. Qos óńirdegi turǵyndardyń áleýmettik jaǵdaıyn jaqsartý, Atyraý oblysyndaǵy munaı-gaz óndirý jáne ónerkásiptik kásiporyndardyń, sondaı-aq «Ulttyq ındýstrıaldy munaı-hımııa tehnoparki» arnaıy ekonomıkalyq aımaǵynda ornalasqan munaı-hımııa óndirisi jobalarynyń toqtaýsyz jumys isteýi atalǵan qubyrmen úzdiksiz jetkiziletin sýmen baılanysty bolyp otyr. Sol sebepten «Astrahan-Mańǵyshlaq» magıstraldy sý qubyryn qaıta qurý jáne keńeıtý jobasy belgilengen merziminen bir jyl buryn iske qosyldy.
«Jobaǵa sáıkes endi sý qubyrynyń ótkizý qýaty táýligine qosymsha 60 myń tekshe metrge artady. Qubyr arqyly kelgen sý turǵyndardy, ónerkásip pen aýyl sharýashylyǵy salasyn sýmen turaqty qamtamasyz etedi. Bul qubyrdy jańǵyrtý jumysy aldaǵy ýaqytta jalǵasyn tabady», dedi M.Myrzaǵalıev.
Infraqurylymdyq jobany «QazMunaıGaz» UK» AQ basshylyǵymen «Magıstraldy sý qubyry» JShS júzege asyrdy. Otandyq munaı-gaz kompanııasy byltyr Mańǵystaý oblysynyń «Qarajanbas» ken ornynda test rejiminde jerasty qabatyndaǵy sýdy tushytý zaýytyn iske qosqanyn atap ótken jón.
«Astrahan-Mańǵyshlaq» magıstraldy sý qubyry jelisinde uzaq jyl jumys istegen ardager Hamıt Qabylovtyń aıtýynsha, endi jańǵyrtý jumysyn Qulsary qalasyna deıingi, odan ári Mańǵystaý oblysyndaǵy bóliginde jalǵastyrý qajet. О́ıtkeni turǵyndarǵa da, óndiristik nysandarǵa da sý turaqty jetkizilgeni jón.
Atyraý oblysy