Shymkentte bir top jigit bes balanyń ákesin uryp-soǵyp, mert qyldy. Bes balamen jesir qalǵan áıel taǵy úsh jasóspirimniń jazadan sytylyp ketkenine narazy, dep jazdy Egemen.kz.
Qaıǵyly jaǵdaı 2023 jyldyń qyrkúıeginde tańǵy saǵat 04:00 shamasynda bolǵan. 39 jastaǵy Tolqyn Abdýrahmanov pen 11-synyp oqýshylarynyń arasynda kóshede janjal týyndaıdy. Keıin tóbeleske 20 jastaǵy taǵy eki jigit qosylady. Osy jaǵdaıdan keıin bes balanyń ákesi oqıǵa ornynda qaıtys bolady.
Bir top jastar men azamat arasyndaǵy kıkiljiń beınebaqylaý kamerasyna túsip qalǵan. Degenmen adam ólimimen aıaqtalǵan bul iste olardyń bireýi ǵana kúdikke ilinip, 8 jylǵa sottaldy. Sýdıa sózinshe, sottalýshy soqqysynan keıin marqumnyń mıyna qan quıylǵan. Al tóbeleske qatysqan ózge jasóspirimder sotqa kýáger retinde qatysty.