Almaty turǵyndary Abdýlla Rozybakıev kóshesiniń ataýyn ózgertip, oǵan asa kórnekti aqyn, belgili qoǵam qaıratkeri, Halyq jazýshysy, Qazaqstannyń Eńbek Eri Muhtar Muhtar Shahanovtyń esimin berý týraly petısııa jarııalady, dep habarlaıdy Egemen.kz.
Petısııa avtorlary bul usynysty 1986 jylǵy Jeltoqsan oqıǵalaryna qatysty tarıhı ádilettilikti qalpyna keltirýdegi Muhtar Shahanovtyń rólimen baılanystyrady.
Aıda Balaeva Muhtar Shahanovtyń nege Arystan bab kesenesine jerlenbeıtinin túsindirdi
Joba avtorlary aqynnyń ómir boıy til men ulttyq qundylyqtardy qorǵaýda belsendi bolǵanyn da atap ótken.
Petısııada Abdýlla Rozybakıev kóshesiniń tańdalýy onyń qalanyń mańyzdy kólik jáne qoǵamdyq ortalyqtar arqyly ótetin iri kóshelerdiń biri bolýymen túsindirilgen.
Sonymen qatar avtorlar Abdýlla Rozybakıev esimin múlde alyp tastaý usynylmaıtynyn, ony eskertkish, memorıaldyq taqta nemese arnaıy oryndar arqyly saqtaý qajet ekenin de aıtqan.
Aıta keteıik, 2026 jylǵy 20 sáýirde Muhtar Shahanov ómirden ótti. Sol kúni Memleket basshysy Qasym-Jomart Toqaev onyń týystaryna kóńil aıtý jedelhatyn joldaǵan bolatyn.