Kelesi jyldyń 19 qańtary men 1 aqpan aralyǵynda Ońtústik Koreıanyń Kanyn qalasynda jasóspirimderdiń qysqy Olımpıadasynyń jalaýy jelbireıdi.
Týrızm jáne sport mınıstrliginiń baspasóz qyzmeti taratqan málimet boıynsha jerlesterimiz osy kúnge deıin 30 lısenzııaǵa ıelik etken eken. Sportshylarymyz bıatlon, konkı, tramplınnen sekirý, short-trek, shaıbaly hokkeı, shańǵy, kerlıng, shańǵy qossaıysy, frıstaıl jáne taý shańǵysynan saıysqa túsedi. Irikteý týrnırleri áli aıaqtalmaǵandyqtan aldaǵy ýaqytta joldamalar sany arta túsýi de múmkin.
Jasóspirimderdiń qysqy Olımpıadasyna 50 memleketten kelgen 1 800 jas óren qatysady dep kútilip otyr. Olar sporttyń jeti túri boıynsha 81 júlde jıyntyǵyn sarapqa salady.