Astana qalasynyń ákimi Jeńis Qasymbek ortalyq krmmýnıkasııalar qyzmetinde elordanyń áleýmettik, ekonomıkalyq, demografııalyq ósýine qatysty BAQ ókilderiniń suraqtaryna jaýap berdi, dep jazady Egemen.kz.
Elorda ákimi Jeńis Qasymbekke óńirlerden bas qalaǵa azamattardyń kóshýi shektele me degen suraq qoıyldy.
Ákim óz kezeginde mundaı shekteý qoıý orynsyz ekenin túsindirdi.
«Ýnıtarly memleketpiz, Astanaǵa kóshetinderdi shekteý, ondaı suraqtar bolýy múmkin emes. Bul barsha qazaqtyń astanasy, olardyń munda kelýge quqyǵy bar. Jalǵyz jaýap osy bolýy múmkin», dep jaýap berdi Jeńis Qasymbek.
Alaıda ákimniń aıtýynsha, Astana ınfraqurylymy aǵyl-tegil kóshti qabyldaýǵa, kelgenderge jaıly turmys tartýǵa daıyn emes.
«Rasynda, kommýnaldyq-turmystyq, ınjenerlik jáne áleýmettik ınfraqurylym boıynsha kóshi-qon qarqynynan belgili bir artta qalý bar, sondyqtan qazir tıisti sharalar qabyldanyp jatyr. Joǵaryda aıtylǵandaı, mektepter men medısınalyq mekemelerdiń, mektepke deıingi bilim berý nysandarynyń kóptep salynýy. Búgin osy máselege qatysty máselelerdiń barlyǵy derlik kóterildi, sonymen qatar tirshilikti qamtamasyz etý nysandarynyń qurylysy: jylý, sý, elektr energııasy jáne t.b. máselelerdi jedel sheshýge tyrysamyz», dedi Astana qalasynyń ákimi.