«Astana Opera» teatrynda «Umai – 2023» ulttyq syılyǵynyń jeńimpazdaryn marapattaý rásimi ótti. Kásibı shyǵarmashylyq ujymdar men jekelegen óner qaıratkerlerin eleýli shyǵarmashylyq jetistikteri úshin qoldaýǵa baǵyttalǵan baıqaý bıyl ekinshi ret uıymdastyryldy. Konkýrsty Mádenıet jáne aqparat mınıstrligi uıymdastyrdy. Jeńimpazdardy marapattaý rásimine mınıstr Aıda Balaeva, Parlament Májilisiniń depýtattary, qoǵam qaıratkerleri, mádenıet maıtalmandary qatysty, dep habarlaıdy Egemen.kz vedomstvonyń baspasóz qyzmetine silteme jasap.
Aıda Balaeva óziniń quttyqtaý sózinde «Umai –2023» ulttyq óner syılyǵy elimiz úshin erekshe mańyzǵa ıe dep atap ótti.
«О́ner rýhanııatty qalyptastyrýda mańyzdy ról atqarady. Ataqty jazýshy Muhtar Áýezov beıneleý ónerinsiz maǵynaly bolmys joqekenin aıtqany belgili. О́ner shyn máninde ulttyń damýyna negiz bolyp sanalady. Al óner adamy qoǵamdy tárbıeleýde mańyzdy ról atqarady.
Memleket basshysy ynta-jigeri berik, elimizdiuly dárejege kótere alatyn urpaqqalyptastyrýǵa umtylady. Bizdiń ónerimiz ben mádenıetimiz qoǵamdyq tulǵany tárbıeleıdi. Prezıdentimiz únemi osy qaǵıdany aıtyp keledi. Bul bizdiń bolashaǵymyzǵa qajet rýhanı saıasat. Memleket basshysynyń júrgizip otyrǵan barlyq bastamalary men reformalarynyń túpki maqsaty - memleketimiz úshin ortaq iske eleýli úles qosatyndarǵa jan-jaqty qoldaý kórsetý. Umai syılyǵy da osyndaı qoldaýdyń jarqyn kórinisi», dedi mınıstr.
Aıda Balaeva syılyqtyń negizinde úlken eńbek, tereń bilim men qaıtalanbas óner jatqanyn atap ótti.
«Moıyndaýymyz kerek Prezıdentimiz aıtqandaı joǵary adamgershilik, mádenı jáne bilimdi qoǵam qurý jónindegi rýhanı mıssııa bárine birdeı qol jetimdi emes. Biraq bul qurmetke ıe bolǵan árbir adam myńdaǵan jáne mıllıondaǵan adamdarǵa úlgi bola alady, adamdardyń júregine jylý syılaı alady. Búgingi baıqaýdyń jeńimpazdary ǵana emes, onyń barsha qatysýshylary da osyndaı mártebege laıyq ekenine senimdimin. Bul Memleket basshysy aıanbaı nasıhattaıtyn qaǵıda. Rýhanııatsyz eldiń bolashaǵyn qurý qıyn», dedi mınıstr.
«Umai» ulttyq syılyǵy otandyq ónerdiń damýyna jańa serpin berip, Qazaqstanǵa jańa esimder syılaıtynyna senim bildirgen Aıda Balaeva 29 jeńimpazǵa «Umai» músinshesi men aqshalaı syılyqtyń sertıfıkatyn tabys etti.
Aǵymdaǵy jyly uıymdastyrý komıtetineqatysýshylardan 322 ótinim kelip tússe, fınalǵa 114 adam ótti. Olardyń 29-y syılyqtyń ıegeri atandy.
Baıqaýǵa elimizdiń barlyq óńirindegi óner qaıratkerleri men shyǵarmashylyq ujymdar belsene qatysty.