О́z áıeli Saltanat Núkenovany óltirdi dep aıyptalǵan eks-mınıstr Qýandyq Bıshimbaevtyń ákesi BAQ ókilderiniń ústinen polısııaǵa shaǵymdandy, dep habarlaıdy Egemen.kz.
Ýálıhan Bıshimbaev Youtube-arnasynyń avtory Vadım Boreıkonyń jáne taǵy birneshe tilshi men blogerdiń ústinen ishki ister mınıstri Erjan Sadenovke shaǵymdanǵan.
Ý. Bıshimbaev Boreıkonyń Qýandyq Bıshimbaevty jaýapkershilikten jaltartýy ábden múmkin degen boljamyn «ulyna jáne otbasyna, sonymen qatar sarapshy-psıhıatrlardyń atyna kir keltirdi» dep esepteıdi.
Ýchaskelik polısııaǵa bergen túsindirmesinde tilshi bul aıtylǵannyń bári onyń jeke pikiri ekenin alǵa tartqan.
«Eger sot Bıshimbaevty psıhıkalyq aýytqýshylyǵy bar dep tappasa, óz arnamnyń efırinde boljamymnyń qate bolǵanyn moıyndaımyn», — dep jazdy Boreıko.
Tilshiniń sózinshe, Ýálıhan Bıshimbaev óz aryzynda «blogerler men BAQ ókilderiniń isti tergeýge yqpalynyń kesirinen ulyma kisi óltirdi degen aıyp taǵylyp otyr» dep te jazǵan.
«Bul sózder Bıshimbaevtardyń óz kinásin moıyndaǵysy kelmeıtinin jáne Qýandyq Bıshimbaevtyń jazadan jaltarýy úshin qoldan kelgenniń bárin jasaıtynyn ańǵartady», — deıdi Boreıko.