Qyzmettik boryshyn atqarý kezinde eki qabatty jeke turǵyn úıdiń shatyryn sharpyǵan órtti sóndirý barysynda órt sóndirýshi qaıtys boldy. Bul týraly Tótenshe jaǵdaılar mınıstrligi málim qyldy, dep jazady Egemen.kz.
25 jeltoqsan kúni saǵat 16.56-da Almaty qalasy №19 mamandandyrylǵan órt sóndirý bóliminiń órt sóndirý eseptoptary Qarasaı aýdany Kókózek aýylyndaǵy órtti sóndirýge shyqqan bolatyn.
Eki qabatty jeke turǵyn úıdiń shatyryn sharpyǵan órtti aýyzdyqtaý barysynda 19-MО́SB bólimshe komandıri, azamattyq qorǵaý aǵa serjanty Ýálı Ádilet Aıanuly qaıtys boldy.
Mınıstrlik oqıǵanyń mán-jaıyn anyqtaý úshin jedel-tergeý toby oqıǵa ornynda jumys júrgizip jatqanyn jetkizdi.