Qýanyshy men qıyndyǵy qaıshylasqan Qoıan jylyn shyǵaryp salýǵa sanaýly kúnder qaldy. Ádettegideı, álbette, keler jyldan da tek jaqsylyq kútemiz. Jeltoqsannyń jańbyry men yzǵary jaǵalasyp jatsa da, jurt Jańa jyl merekesiniń lebin sezinip otyr.
Al Almatyda Aıaz atalardyń sherýi ótti. Ertegi áleminen kelgen keıipkerler shahar kóshelerin shattyqqa bólep, qala turǵyndary men qonaqtaryna jaqsy tilekterin tókti.
Aıaz atalar basty jańa jyldyq shyrsha ornatylǵan Abaı alańynan bastap, Dostyq dańǵylymen Qabanbaı batyr kóshesine deıin sherýletip, sodan keıin Panfılov kóshesimen júrip, «Astana» alańyna deıin barsa, bul oryn beker tańdalmaǵan, dál osy jerde 31 jeltoqsanda basty jańajyldyq konsert ótedi, sodan keıin jańajyldyq otshashý bastalady.
«Biz balalardy shattandyra alǵanymyzǵa qýanyshtymyz. Qala turǵyndary men qonaqtary sherýge qatysýshylarmen sýretke túsip, suraqtarǵa jaýap berip, óleńder aıtyp, syılyqtar, táttiler aldy. 60 adamnan turatyn Aıaz ata sherýin biz ekinshi jyl qatarynan ótkizip kelemiz jáne bul Jańa jyl qarsańynda jaqsy dástúrge aınalyp otyr», deıdi Almaty qalasy mádenıet basqarmasynyń ókilderi.
21 jeltoqsannan bastap Abaı atyndaǵy jáne «Astana» alańdarda kún saıyn óner ókilderiniń, live-bendter men dıdjeılerdiń, anımatorlardyń qatysýymen konsertter, baıqaýlar tolastaǵan joq. 27-31 jeltoqsan aralyǵynda jańajyldyq qysqy festıval aıasynda qalanyń ár aýdanynda konsertter uıymdastyrylady, onda Kenjebek Janábilov, Móldir Áýelbekova, О́mirqul Aınııazov, Álisher Qonysbaev, Raıym Ýaıs, Abaı Begeı, Ashat Tarǵyn, Altair & Abbi, Nurmuhammed Jaqyp, Muhtar Hanzada, Nursultan Nurberdıev, Aqbota-Nur, Jandos Qarjaýbaı, Jiger Aýypbaev, Serik Ibragımov, Altynbek Táshimbetov syndy ártister óner kórsetedi.
О́z kezeginde Qazaq memlekettik sırki 2024 jyldyń 14 qańtaryna deıin Golden Dragon baǵdarlamasymen balalardyń qysqy demalysyn barynsha qyzyqty ótkizýge baryn salady.
Al Memlekettik qýyrshaq teatrynda «Jarqyraı tús, Jańa jyl!» atty baǵdarlama qoıylymy bastaldy. Jańajyldyq dýmannan Respýblıka saraıy da qalys qalmaı, «Muzdy júrek» oıyn-saýyq-tanymdyq baǵdarlamasyn usynsa, 3-4 qańtarda Murat Mutyrǵanovtyń «Elimizdiń úzdik jańajyldyq shoýy» saltanat qurmaq. Al basty jańa jyldyq tegin konsert 31 jeltoqsan kúni «Astana» alańynda ótedi.
ALMATY