Kóshpeliler oıyndary ulttyq rýhty asqaqtata túsedi

Kóshpeliler oıyndary 2014 jyldan beri úzdiksiz uıymdastyrylyp keldi. Alǵashqy úsh básekeniń shymyldyǵy Qyrǵyzstanda túrildi. «Aıyr qalpaqty» aǵaıyndarymyz ony joǵary deńgeıdi ót­kizýge barynsha kúsh saldy. Ýaqyt ozǵan saıyn atalǵan jarystyń bedeli men már­tebesi ósip, kórermender sany kúrt artty. Soǵan sáıkes, qatysýshy koman­dalardyń qatary da kóbeıe tústi. Bir sózben aıtsaq, bul oıyndar etno- s­porttyń Olımpıadasyna aınaldy. Eki jylda bir ótetin osy sporttyq saıysty 2022 jyly Túrkııanyń ejelgi Iznık qalasy qabyldady. Anadoly elinde Qazaqstan quramasy óte jaqsy kórset­­kishke qol jetkizdi. Al bizder úshin eń mańyzdysy – Kóshpeliler oıyn­darynyń baǵdarlamasyna kókpardyń enýi. Bul ózgeris «Kókpar» dese delebesi qozyp, qany qyz-qyz qaınaıtyn qazaq jankúıerlerin qatty qýantty. Tuńǵysh ret uıymdastyrylǵan jarysta bizdiń jigitter qarsylas shaq keltirmeı, jeńis tuǵyrynyń eń bıik satysyna kóterildi.

– V Kóshpeliler oıyndarynyń baǵdarlamasyna sporttyń 20 túri enip otyr. Birqatar jarys «Qazanat» atshabarynda ótedi. Qazir Astana qala­synyń ákimdigi sol ıppodromda kúr­deli jóndeý jumystaryn júrgizilip jatyr. Buıyrtsa, ol taıaý ýaqytta aıaqtalyp qalar. Odan bólek jekelegen kúsh sa­ıystary Jaqsylyq Úshkempirov atyn­daǵy jekpe-jek saraıynda, dástúrli ıntellektýaldyq oıyndar «Dýman» qonaqúıinde, al basqa básekeler «Alaý» muz aıdyny men «Qazaqstan» jeńil

atletıka saraıynda uıymdastyrylady. Dúbirli dodanyń ashylý saltanaty «As­tana arena» stadıonynda, al jabylý rásimi «Qazanatta» ótedi. Báse­keler aıaqtalǵan bette jalpy komandalyq esep­tiń qorytyndysyn shyǵaramyz, – deıdi Ulttyq jáne at sporty túrleri or­ta­­lyǵynyń dırektory Baqdáýlet Sábıtov.

Qazaqstan quramasy jarys baǵdar­lamasyna engen barlyq sport túri boıynsha baq synaıdy. Basty maqsat – kópshilik kóńilinen shyǵatyndaı nátıjeli óner kórsetip, jalpy komandalyq esepte jeke-dara kósh bastaý. Ásirese biz kókpar, qazaq kúresi, aýdaryspaq jáne jamby atý syndy ata-babalarymyzdan keıingi urpaqqa mıras bolyp qalǵan ulttyq sport túrlerinen ótetin saıys­tarda tolaǵaı tabysqa qol jetkizýge tıispiz. Bul kúnderi bas komandamyzdyń sapynda Syrym Izbasarov, Ǵalymjan Izjanov, Eralhan Aıkóz, Aıtbek S­ary­baı, Qurmanbek Turǵanbek, Ásel Da­lıeva jáne taǵy basqa myqtylar bar. Eń baıtaq Qazaq eliniń bas shaharynda ótetin dúbirli dodada sol dúldúldermen qatar, jarys jolyna shyǵatyn basqa da sańlaqtarǵa zor senim artylyp otyr.

– Qazaq qaýymy úshin Kóshpeliler oıyndarynyń mańyzy aıryqsha, – dep jal­ǵastyrdy áńgimesin Baqdáýlet Sá­bıtov. – О́ıtkeni ulttyq ónerimiz ulyq­talyp, búkil álem jurtshylyǵy nazaryna iligetin tusy osy. Atalǵan jarysqa Qazaqstan quramasy úzdiksiz qatysyp kele jatqany ózderińizge de málim. Kórsetken nátıjemiz de kóńil kónshiterlik. Tuńǵysh ret uıymdastyrylǵan oıyndarǵa 19 eldiń sportshylary qatyssa, 2022 jyly Túrkııada ótken saıysta álemniń 102 mem­leketiniń dúldúlderi baq synady. Demek jer jahannyń teń jartysy bul synǵa qyzyǵýshylyq tanytady degen sóz. Onyń ústine Astanadaǵy jarystyń jeńimpazdaryna halyqaralyq dárejedegi sport sheberi ataǵy beriledi. Bul – sportshylar úshin úlken motıvasııa! Buǵan deıin ondaı ataq berilmeıtin. Osy tamasha dástúr aldaǵy ýaqytta da jalǵasyn taýyp, Kósh­peliler oıyndary resmı jarysqa aı­nalsa, ulttyq sportpen aınalysatyn jas­tardyń sany da kúrt artatyny aıdan anyq.

Qazirgi kezde barlyq sport túri bo­ıynsha ulttyq qurama komandalar jasaqtaldy. Jerlesterimiz ke­min­de tórt-bes oqý-jattyǵý jıynyn ótkizýdi kózdep otyr. Arasynda res­pýb­lıkalyq jáne halyqaralyq týr­nır­lerge qatysý da jos­parlanyp otyr. Bir sózben aıtsaq, elordada alaýy tu­tanatyn V Kósh­­peliler oıyndaryna daıyn­dyǵy­myz óte jaqsy. Endi Qazaq eliniń óren­deri osy keremet sport­tyq sharany asa joǵary deńgeıde uıym­dastyryp qana qoımaı, barynsha zor tabysqa qol jet­kizýge tıis.