Senat depýtaty Nurlan Beknazarov Memleket basshysy Qasym-Jomart Toqaevtyń «Egemen Qazaqstan» gazetine bergen suhbatyna qatysty pikirin bildirdi, dep habarlaıdy Egemen.kz.
«2022 jyly Parlament el Prezıdenti ókilettiliginiń jeti jyldyq merzimin belgilep, bir adam bir retten artyq Respýblıka Prezıdenti bolyp saılana almaıtyndyǵy týraly ózgeristerdi Konstıtýsııaǵa engizgen bolatyn.
Memleket basshysy «Egemen Qazaqstan» gazetine bergen suhbatynda saıası reformalardyń mańyzdy jańashyldyǵynyń biri retinde Prezıdent laýazymyna bir-aq ret merzimge saılaný múmkindigi jóninde naqty aıqyndap aıtyp berdi. El Prezıdenti aıtqandaı, bul norma endi ózgertilmeıdi jáne Ata zańymyzda myzǵymastaı etip bekitilgen.
Jeti jyldyq Prezıdent ókilettiligin bir merzimdi etý buǵan deıingi saıası reformalardyń jalǵasy, ári «sýperprezıdenttik bılikten» bas tartý bolyp tabylady. Atalǵan ózgerister saılanǵan kandıdattyń óz saılaýaldy baǵdarlamasyn júzege asyrýyna jáne halyq aldyndaǵy bergen ýádeleriniń tıimdi ári ýaqytyly oryndaýyna septigin tıgizetin bolady. Sebebi Prezıdent bolyp saılanýǵa ekinshi múmkindik bolmaıdy.
Álemde memleket Prezıdentin jeti jylǵa jáne ekinshi merzimge saılaıtyn memleketter kóp emes. Keıbir elderde de bir rettik 7 jyldyq prezıdenttik merzimdi engizý múmkindigi talqylanýda.
El Prezıdenti 2022 jylǵy 1 qyrkúıektegi Qazaqstan halqyna Joldaýynda atalmysh bastamanyń negizderi bolyp, «Bir jaǵynan, 7 jyl – kez-kelgen aýqymdy baǵdarlamany júzege asyrý úshin jetkilikti kezeń. Ekinshi jaǵynan, Prezıdent mandatyn bir merzimmen shekteý Memleket basshysynyń jalpyulttyq damýdyń strategııalyq mindetterin sheshýge barynsha jumylýyn qamtamasyz etedi», dep atap ótken bolatyn.
Nátıjesinde mundaı reforma eldegi demokratııalyq qaıta qurýdy kúsheıtip qana qoımaı, saıası básekelestikti damytýǵa jáne básekege qabiletti demokratııalyq saıası júıeni qalyptastyrýǵa qadam jasaýǵa múmkindik beredi dep esepteımin», dep jazdy senator.