Bolashaqtyń baǵdaryn kórsetip berdi

Birinshiden, ulttyq bolmysy­myzdyń jańarýy, ulttyq sana­myzdyń jańǵyrýy, elimizdegi júrgizilgen keıingi bes jyldaǵy saıası reformalardyń mán-mańy­zy saralanǵan. Munyń azamat­tardyń quqyqtyq sanasy men saıası belsendiliginiń artýyna áser etkendigine de keńirek toqtalǵan. Shyn máninde ótken jyly elimizde jáne syrtqy saıası baǵdarymyzda kóptegen eleýli ózgeris boldy. Kezekten tys ótken Májilis pen máslıhat saılaýynyń ereksheligi kóp. Bul elimizdegi saılaý júıesindegi ózgeristerdiń is júzinde júzege asqanyn kórsetti. Aıtalyq, aralas saılaý júıesiniń jemi­sin búginniń ózinde kóre basta­dyq. Prezıdenttiń saıası refor­malarynyń jalǵasy retinde jergilikti ózin ózi basqarý­daǵy máslıhattardyń quzyreti keńeıdi. Partııa fılıaldary tóraǵasy­nyń ákimdikten bólinip, jeke-dara saıası ınstıtýt retinde damýy jáne azamattardyń ózin ózi usynýǵa múmkindik alýyn da úl­ken saıası jańalyq retinde qaras­tyrýǵa bolady. Sonymen birge qanatqaqty joba retinde qolǵa alynǵan ákimderdiń saılaýy eldegi saıası reformanyń qadam-qadammen júzege asyryla bastaǵanyn ańǵartady. Bul eldegi demokratııalyq úderis­ter­diń qar­qyndy damýyna jol ashty.

Zańnamalyq júıedegi eleýli ózgeris – eldiń árbir azamatyna tikeleı qatysy bar Qazaqstan balalaryna arnalǵan ulttyq qor týraly qujatqa, sondaı-aq sheteldegi aktıvterdi qaıtartý týraly zańǵa qol qoıyldy.

Prezıdent aıtqandaı, syrt­qy saıasatta da tıimdi ári salı­qaly ustanym arqyly ulttyq múddemizdi qorǵap, strategııalyq mańyzdy mindetterdi oryndaýǵa baǵyt ustanyp otyrmyz. Mem­leket basshysy ótken jyly 20-dan asa elge resmı saparmen bardy, bizdiń elge de sol shamadaǵy memleket basshylarynyń saparlary uıymdastyryldy. Bul Qazaqstannyń halyqaralyq alańda ózindik orny bar ekenin kórsete aldy. Memleket basshysy osyndaı halyqaralyq basqosýlarda aımaqtyq saıası-ekonomıkalyq, qaýipsizdikten bólek, ǵalamdyq máselelerdi sheshýde de óz úlesin qosyp keledi.

Sondaı-aq suhbatta eldiń bıyl­ǵy damý josparyna da bas­ty nazar aýdaryp otyr. Ulttyq quryltaıdy kóktemde ótkizý týraly aıtty. Eldiń qoǵamdyq-saıası, áleýmettik-ekonomıkalyq baǵ­dar­laryn quryltaıdyń qabyr­­ǵasynda erte bastan saralaý týra­ly oı tastady. Iаǵnı kúzde Prezı­dent Joldaýymen shyqqan bolsa, Ulttyq quryltaı arqyly eldiń damý baǵytyn taǵy da bir shegelep alýǵa nıetti ekenin tanytyp otyr.

Qańtar oqıǵasynyń sebep-saldarynan da sabaq alýymyz kerek. Bul úshin, Prezıdent aıtqandaı, zań men tártip ústemdigin ornatý – demokratııalyq Qazaqstannyń basty qaǵıdaty bolýy qajet. Osy turǵydan alǵanda qazirdiń ózinde jańa zańdar qabylda­nyp jatyr. Eldegi azamattar­dyń saıa­sı ómirge keńirek qatysýy­na múmkindik berý kerek. Úkimet­ke jaýapkershilik júktep, aı­maq­tardaǵy ahýaldy retteýge zor múmkindik týǵyzýǵa bola­dy. Qoǵamdaǵy túıtkildi máse­leler tóńireginde taratyp aıt­qan Prezıdent AES salý halyq­tyń sheshimimen júzege asý qajet ekenine de toqtaldy. Al tur­mystyq zorlyq-zombylyq týra­ly zań qaralyp jatqanyn jet­kizgen Memleket basshysy, bul ta­qyryp qoǵamnyń nazarynda ǵana bolmaı, qoǵam sógetin, qabyl­da­maıtyn normaǵa aınalý qa­jet­tigin aıtty. Jalpy, bul ma­ńyzdy suhbat bizge bola­shaqtyń baǵ­daryn anyqtap, eldik másele­de tize qosyp qareket qylatyn ýa­qyt­tyń jetkenin kórsetip berdi.

Qazbek MAIGELDINOV,

Ulttyq quryltaı múshesi