«Qazgıdromet» sınoptıkteri 8 qańtarǵa daýyldy eskertý jarııalady. Sınoptıkterdiń málimetinshe, Astanada jáne birqatar oblysta qaýipti aýa raıy qubylystary boljanǵan, dep habarlaıdy Egemen.kz.
Ońtústikte, Almaty oblysynyń taýly aımaqtarynda tuman bolady. Jeldiń ekpini 15-20 m/s-qa jetedi. Almatyny tańerteń jáne kúndiz tuman basady. Qonaevta da kúndiz tuman.
Túrkistan oblysynyń taýly aýdandarynda túnde jáne tańerteń qatty jaýyn-shashyn (jańbyr, qar) bolady. Oblystyń ońtústiginde tuman túsedi. Jeldiń ekpini 25 m/s-qa deıin jetedi. Shymkentte jáne Túrkistanda 15-20 m/s jyldamdyqpen jel soǵady.
Mańǵystaý oblysynyń batysynda jáne soltústik-shyǵysynda túnde jáne tańerteń tuman bolady. Jeldiń ekpini 15-20 m/s-qa jetedi. Túnde Aqtóbe oblysynyń soltústiginde, shyǵysynda jáne ortalyǵynda burqasyn bolady dep boljandy. Oblystyń batysy men ońtústiginde tuman túsedi. Jeldiń ekpini 15-20 m/s-qa jetedi.
Petropavlda qarly boran soǵady. Jeldiń ekpini 25 m/s-qa deıin jetedi. Kókshetaýda qar jaýyp, joldarda kóktaıǵaq bolady. Jeldiń ekpini 23 m/s-qa jetedi.
Aqmola oblysynyń basym bóliginde qar jaýady, oblystyń soltústigi men ońtústiginde qalyń qar jaýady. Boran men kóktaıǵaq bolady. Jeldiń ekpini keıde 30 m/s nemese odan da kóp.
Soltústik Qazaqstan oblysynyń basym bóliginde qar jaýyp, burqasyn bolady. Oblystyń ońtústik-shyǵysynda tuman túsip, kóktaıǵaq bolady. Oblystyń ońtústik-shyǵysynda jel 30 m/s jáne odan da kóp soǵady. Pavlodar oblysynda qar jaýyp, kóktaıǵaq bolady. Jeldiń ekpini - 23-28 m/s. Pavlodarda burqasyn, kóktaıǵaq bolady. Jeldiń ekpini 25 m/s-qa deıin jetedi.