Máskeý men Sankt-Peterbýrg arasyndaǵy negizgi aqyly jolda 50 kóliktiń qatysýymen iri jol apaty boldy, dep habarlaıdy Egemen.kz.
Reseı Tótenshe jaǵdaılar mınıstrliginiń málimetinshe, iri apattan tórt adam qaza taýyp, 16 adam jaraqat alǵan. Keptelistiń uzyndyǵy shamamen 1,5 shaqyrymdy quraıtyndyqtan, zardap shekkenderdi aýrýhanalarǵa jetkizý úshin tikushaqtardy paıdalanyp jatyr. Tasjolda turyp qalǵandar úshin jyljymaly jylytý pýnktteri – shatyrly qalashyq pen avtobýstar ornalastyryldy.
Jol apatyna aýa raıynyń qolaısyzdyǵy áser etti. Oqıǵa oryn alǵan kezde óńirde qatty qarly boran bolǵan.