2000 jyldary tanymal bolǵan ánshi Rahat Turlyhanov áıelin urǵany úshin eskertý aldy, dep habarlaıdy Egemen.kz.
Búgin Almaty qalasynyń ákimshilik quqyq buzýshylyq isteri jónindegi mamandandyrylǵan aýdanaralyq soty Rahat Turlyhanovqa qatysty zorlyq-zombylyq jasaý faktisi boıynsha isti qarady.
Is materıaldarynan 2023 jylǵy jeltoqsan aıynda Turlyhanov úıinde janjal shyǵaryp, áıelin soqqyǵa jyqqany anyqtaldy.
Sot otyrysy barysynda Turlyhanov óz kinásin moıyndap, istegen isine ókingenin alǵa tartty. Tıisinshe qos tarap tatýlasqany belgili boldy. Buny áıeli de rastady.
Zań talabyna sáıkes, dálirek aıtqanda Ákimshilik quqyq buzýshylyq týraly kodeksiniń 73-2 baby (1-1 b.) boıynsha jaýapty tulǵaǵa eskertý jasalady nemese 10 táýlikke ákimshilik qamaqqa alynady. Turlyhanov sot qaýlysymen Ákimshilik quqyq buzýshylyq týraly kodeksiniń 73-2-baby 1-1-bóligi boıynsha ákimshilik quqyq buzýshylyqty jasaǵany úshin kináli dep tanylyp, oǵan eskertý berildi.
Sot qaýlysy zańdy kúshine engen joq.