Elimizde qyzylshaǵa qarsy qosymsha vaksınasııalaý sheńberinde 930 myńnan astam adam ekpe aldy. Bul nysanaly toptyń 62%-yn quraıdy, dep habarlaıdy Egemen.kz.
«Qazaqstan óńirlerinde qosymsha ımmýndaýdyń oń dınamıkasy baıqalyp otyr. Máselen, Jetisý, Qyzylorda, Túrkistan oblystary men Shymkent qalasynda tıisti kontıngenttiń 70%-dan astamy qosymsha ımmýndaýmen qamtylǵan. Qyzylsha boıynsha jaǵdaıdy turaqtandyrý maqsatynda ótken jyly osy aýrýǵa qarsy josparly vaksınasııalaý júrgizildi, bir jáne alty jastaǵy 700 myńǵa jýyq bala ekpe aldy. Qabyldanǵan sharalardyń nátıjesinde qyzylsha boıynsha turaqtandyrý úrdisi 6 óńirde – Aqtóbe, Qyzylorda, Batys Qazaqstan, Qaraǵandy, Jetisý, Túrkistan oblystarynda baıqaldy. Tómendeý úrdisi 3 óńirde – Shymkent qalasynda, Jambyl jáne Ulytaý oblystarynda tirkeldi», dedi Densaýlyq saqtaý mınıstri Ajar Ǵınııat.
Aıta keteıik, 2023 jyldyń sońynda elde qyzylshanyń 29 648 jaǵdaıy tirkeldi, onyń 80%-y 14 jasqa deıingi balalarǵa tıesili. 2024 jyldyń 1 qańtarynan bastap qyzylshanyń 1674 jaǵdaıy tirkeldi.