Aqpan aıynyń 11-25 kúnderi aralyǵynda Bahreın eliniń Manama qalasynda qol dobynan (gandbol) erler arasynda ótetin XXI Azııa chempıonatynda Qazaqstan D tobynda Bahreın, BAÁ, Gonkongpen kúsh synasady, dep habarlaıdy Egemen.kz.
Mınıstrlikke qarasty Sportty damytý dıreksııasynyń málim etýinshe, XXI Azııa chempıonatyna 16 eldiń quramasy qatysady. Naqty ataǵanda, Qazaqstan, Qatar, Kýveıt, Oman, Taıbeı, Iran, Ońtústik Koreıa, Qytaı, Jańa Zelandııa, Saýd Arabııasy, Irak, Úndistan, Japonııa, Bahreın, BAÁ, Gonkong kim myqtyny anyqtaıdy.
@sportqazaq dereginshe Qazaqstan gandbolshylary araǵa 29 jyl salyp Azııa chempıonatyna endi. Osyǵan deıin elimizdiń quramasy qurlyq dodasyna 1995 jyly qatysyp, 8-oryn alǵan.