29 aqpan men 12 naýryz aralyǵynda Italııanyń Býsto-Arsısıo aımaǵynda bokstan Parıj jazǵy Olımpıadasyna lısenzııa úlestiretin týrnır ótedi. Álemdik irikteý dodasynda jartylaı fınalǵa shyqqan boksshylarǵa joldama beriledi, dep habarlaıdy Egemen.kz Ulttyq olımpıadalyq komıtetke silteme jasap.
Bokstan ulttyq quramanyń bas bapkeri Myrzaǵalı Aıtjanov alty salmaqta byltyrǵy jyldyń sońynda ótken jazǵy Spartakıadanyń chempıony atanǵan úzdikter baratynyn aıtty. Tek 63,5 keli salmaq dárejesinde naqty kimniń baratyny túpkilikti sheshilmegen.
Bas bapker Parıj jazǵy Olımpıada oıyndarynyń joldamasyn byltyr Qytaıdyń Hanchjoý qalasynda ótken jazǵy Azııa oıyndarynda oljalaǵan asa aýyr salmaqtaǵy sańlaq Qamshybek Qońqabaevty jattyǵý jıynyna jiberý jaıy talqylanyp jatqanyn aıtty.