Fýtboldan Qatarda ótip jatqan Azııa kýboginiń alǵashqy oıynynda favorıt sanalǵan О́zbekstan quramasy jeńiske jete almady.
Toptyń ǵana emes, týrnırdiń úzdikteriniń qatarynda bolady dep kútilgen О́zbekstan oıynshylary bul joly Sırııa quramasynan úsh upaı ala almady. Qos taımda oıyn tizgini ózbekstandyqtarda bolǵanymen, match sońyna deıin esep ashylǵan joq. Qarymta shabýylda sırııalyqtar da qarsylas qaqpasynan sańylaý taba almady. Bul topta qos komandadan bólek, Aýstralııa men Úndistan quramalary bar. Topta birinshi jáne ekinshi orynmen shyqqan komandalar pleı-off kezeńine tikeleı joldama alady. «V» tobynda týrnırdiń taǵy bir aıqyn favorıti Aýstralııa quramasy ekenin eskersek, toptan ekinshi orynmen shyqqannyń ózi ózge komandalarǵa úlken olja bolǵaly tur.