Túrkistan oblysynyń Tólebı aýdanyna qarasty Kóksáıek aýyldyq okrýginiń 40 jasar turǵyny Gaýhar Begalıeva ómirge úshem alyp keldi, dep habarlaıdy Egemen.kz.
Aýdan ákimi Tólegen Telǵaraev, aýdandyq máslıhat tóraǵasy Nurlan Qoıbaǵarov otbasynyń shańyraǵyna baryp, bir ul men eki qyzǵa arba, sondaı-aq, qajetti gıgıenalyq zattardy tartý etti.
Buǵan deıin bir ul jáne bir qyzy bar otbasy osylaısha, kópbalalylar qataryna qosyldy. Úshemniń anasy aýdandyq emhanada medbıke bolsa, ákesi №3 Kóksáıek arnaýly áleýmettik qyzmetter kórsetý ortalyǵynda sanıtar bolyp qyzmet etedi.
Aıta ketsek, nárestelerge Álinur, Aısana, Aılana esimderi berildi.