Búgin ótken Úkimet otyrysy barysynda Qazaqstanda úsh jańa JEO salynatyny belgili boldy, dep habarlaıdy Egemen.kz.
«Samuryq-Energo» AQ basqarma tóraǵasy Qaırat Maqsutov atap ótkendeı, Kókshetaýdaǵy JEO qýaty 240 megavatt, Semeıde - 360 megavatt, О́skemende - 360 megavatt bolady.
JEO salý jobalaryn iske asyrý jónindegi ýákiletti uıymdar retinde «Samuryq-Energo» jáne «INTER RAO Eksport» bekitilgen.
Qaırat Maqsutov túsindirgendeı, qurylys barysynda Reseı Federasııasynda óndirilgen negizgi tehnologııalyq jabdyqtardy paıdalaný josparlanǵan.
«Qazirgi ýaqytta Kókshetaýda JEO boıynsha TEN ázirleý aıaqtaldy, Semeıdegi JEO boıynsha TEN bıyl naýryzda daıyn bolady, al О́skemendegi JEO boıynsha 2024 jyldyń aıaǵyna deıin oryndaı otyryp, TEN ázirleýge kirisýdi josparlap otyrmyz. Kókshetaý jáne Semeı JEO boıynsha EPC-kelisimshartqa qol qoıý bıyl 3-toqsanda, О́skemen JEO boıynsha - 2025 jyldyń 1-toqsanynda boljanady. Qurylys jumystary 2027-2028 jyldary aıaqtalady dep josparlap otyrmyz», dep qosty Qaırat Maqsutov.
Sondaı-aq ol árbir jylý elektr ortalyǵynyń boljamdy qunyn da atap ótti:
Kókshetaý JEO – 347 mıllıard teńge; Semeı JEO – 420 mıllıard teńge; О́skemen JEO – 490 mıllıard.Alaıda jobalardyń quny áli bekitilgen joq.