Áleýmettik kómektiń jańa túrleri

2024 jyly qazannyń ekinshi jeksenbisinde atap ótiletin Mú­gedekter kúnine oraı áleýmettik kómek qoldanysqa engizildi. 1-top­taǵy múgedektigi bar adamdarǵa – 20 AEK nemese 73 840 teńge, 2-top­taǵy múgedektigi bar adamdarǵa jáne barlyq toptaǵy on segiz jas­­qa deıingi múgedektigi bar bala­­larǵa – 10 AEK nemese 36 920 teńge, 3-topqa 5 AEK nemese 18 640 teńge beriledi.

Sonymen qatar mereke kún­de­rinde keıbir osal toptaǵy azamattarǵa 2,5 AEK mólsherinde birjolǵy aqshalaı túrinde áleý­mettik kómek kórsetiledi. Atap aıtqanda, 4 aqpan – Dúnıejúzilik qaterli isikke qarsy kúres kúni qaterli isik tárizdi dıagonozy bar balalar men azamattarǵa, 8 naý­ryz – Halyqaralyq áıelder kúni kóp balaly analarǵa, onyń ishinde az qamtylǵan analarǵa, 21-23 naý­ryz – Naýryz meıramyna oraı ata-anasynyń qamqorlyǵynsyz qalǵan balalarǵa, 7 mamyr – Otan qorǵaýshylar kúni Otan al­dyn­daǵy erekshe eńbegi úshin zeınet­aqy alýshylar qataryndaǵy zeınet jasyndaǵy adamdarǵa, 31 ma­myr – Saıası qýǵyn-súrgin qur­ban­daryn eske alý kúni saıası qýǵyn-súrginnen zardap shekken, múgedektigi bar nemese zeınetker adamdarǵa, 1 maýsym – Bala­lardy qorǵaý kúni jetim bala­larǵa, 29 tamyz – Semeı ıadrolyq synaq polıgonynyń jabylý kúni ıadrolyq synaqtardyń saldarynan zardap shekken azamattarǵa, 1 qazan – Qarttar kúni jasy boıynsha zeınetkerlerge jáne zeınetaqynyń eń tómengi mólsherin alýshylar qataryndaǵy zeınetkerlik jastaǵy adamdarǵa, 1 jeltoqsan – Dúnıejúzilik JITS-pen kúres kúni ımmýn tapshylyǵy vırýsyn zardap shegetinderdiń qataryndaǵy áleýmettik mańyzy bar naýqastarǵa birjolǵy áleý­mettik kómek beriledi.

Buǵan qosa «Jappaı saıası qýǵyn-súrgin qurbandaryn ońaltý týraly» zańda belgilengen tártippen 1986 jylǵy 17-18 jeltoqsandaǵy Qazaqstandaǵy oqıǵalarǵa qatysýshylar qata­ryn­daǵy saıası qýǵyn-súrgin qurban­daryna 16 jeltoqsanda (Táýelsizdik kúni) 60 AEK mólshe­rinde áleýmettik kómek kórsetiledi.

15 aqpan – Keńes áskerleriniń shekteýli kontıngentin Aýǵan­stannan shyǵarý kúni «Ardagerler týraly» zańdaǵy 5-babynyń 2, 3, 4, 5-tarmaqtarynda kórsetil­gen basqa memleketterdiń aýma­ǵyn­daǵy jaýyngerlik is-qımyl­darǵa qatysqan ardagerlerge, Aýǵan­­standa áskerı qyzmet ótke­rý kezinde jaralanýy, kontýzııa alýy, mertigýi nemese aýrýy sal­da­rynan múgedektigi bekitil­gen azamattarǵa, sondaı-aq 26 sáýir – Chernobyl atom elektr stan­sa­­syndaǵy apat qurbandaryn eske alý kúni jeńildikteri boıyn­sha  Ekinshi dúnıejúzilik soǵysy ardager­lerine teńestirilgen ardagerlerge jáne Chernobyl atom elektr stansasyndaǵy apat saldaryn joıýǵa qatysqan adamdar qataryn­daǵy adamdarǵa 45 AEK mólsherinde áleýmettik kómek kórsetiledi.

Al 9 mamyr – Jeńis kúnine áleýmettik kómek retinde Ekinshi dúnıejúzilik soǵys ardagerlerine 1 mln teńgeden kem emes beriledi. Uly Otan soǵysynyń ardagerlerine teńestirilgen ardagerlerge de 45 AEK mólsherinde kómek ala alady. Alaıda eńbek ardagerlerine 15 AEK mólsherinde kómek alady. Sondaı-aq áleýmettik kómek 25 qazan – Respýblıka kúninde az qamtylǵan azamattarǵa 4,5 AEK (AÁK alýshylar qatarynan) mólsherinde beriledi.