Aıtysker aqyn Qaziret Berdihan Qazaqstannyń eńbek sińirgen qaıratkeri, «Otan» ordeniniń ıegeri, aqyn, pýblısıst Júrsin Ermannyń jaǵdaıy týraly aıtty, dep habarlaıdy Egemen.kz.
Instagram áleýmettik jelisinde aıtysker aqyn Qaziret Berdihan Júrsin Ermannyń densaýlyǵy jaqsaryp kele jatqanyn qýana jetkizdi.
«Búgin erekshe qýanyshty kún boldy. Ádettegideı Júrsin aǵamyzdy dárigerine aparýǵa úıine bardym. Sóıtsem, kókemiz esik aldyna shyǵyp kútip tur. Arbasy joq. Qolynda taıaǵy ǵana. Qýanyp kettim. Sol arbanyń serik bolǵanyna bir jyldan asyp edi. Aqyry keregi bolmaı qaldy. Aıaqqa turdy, eldiń batasy qabyl boldy degen osy shyǵar! Buıyrsa osy fototdaǵydaı ortamyzda kúlip júrýdi násip etsin», dep tilek bildirdi Q.Berdihan.