2023 jyldyń 15 jeltoqsanynda Halyqaralyq boks qaýymdastyǵy (IBA) Astanada «Chempıondar túnin» ótkizdi. Osy básekede bokstan Qazaqstan quramasynyń kapıtany Aslanbek Shymbergenov nokaýtqa túsip qalyp, meksıkalyq qarsylasyna ese jibergen edi. 71 kelide el namysyn qorǵap júrgen boksshynyń sol jeńilisten keıingi jaǵdaıyn bas bapker Myrzaǵalı Aıtjanov Egemen.kz tilshisi Qýanysh Nurdanbekulyna bergen suhbatynda baıandap berdi.
Myrzaǵalı Aıtjanov ótken jyldyń qańtar aıynda bokstan Qazaqstan quramasynyń tizginin ekinshi ret qaıta ustady.
Qazirgi tańda ulttyq qurama Parıj Olımpıadasyna joldama beretin lısenzııalyq týrnırlerge qyzý daıyndyq ústinde. Egemen.kz tilshisi Qýanysh Nurdanbekuly jigitterdiń jattyǵýdaǵy jaıymen birge, meksıkalyq qarsylasy Hose Mıgel Borregodan nokaýtpen jeńilgen kapıtan Aslanbek Shymbergenovtiń ahýalyn, densaýlyǵy men aldaǵy syndarǵa daıyndyǵyn surady.
«Aslanbek minezdi boksshy, qatarǵa qosylyp jattyǵýyn jasap júr. Nokaýt degende týra tıgen soqqydan qulady. Anaý aıtqandaı qaterli jaraqat emes, medısınalyq tekseristen ótip, dárigerlerdiń baqylaýynda bolyp em-domyn aldy. Qazir babynda, lısenzııalyq týrnırge ázirlik júrgizip jatyr», dep jaýap berdi Myrzaǵalı Aıtjanov.