Bul týraly Qorǵanys mınıstri Rýslan Jaqsylyqov Palatalardyń birlesken otyrysynda aıtyp berdi, dep habarlaıdy Egemen.kz.
Vedomstvo basshysynyń aıtýynsha, ulttyq kontıngentti qalyptastyrý kezinde áskerı qyzmetshilerdi irikteý úshin Qorǵanys mınıstrligine vedomstvolyq baǵynysty bólimshelerdiń, áskerı bólimderdiń, quramalardyń, áskerı oqý oryndarynyń komıssııalary taǵaıyndalady.
Áskerı qyzmetshilerdi daıarlaý Qorǵanys mınıstrliginiń Almaty qalasynda ornalasqan bitimgershilik operasııalar ortalyǵynda júzege asyrylady.
«Ortalyq bazasynda áskerı qyzmetshiler bitimgershilik ázirligi boıynsha qarqyndy kýrstan ótedi. Bolashaq bitimgerler aǵylshyn tilin, dalalyq medısınany, radıobaılanysty, shahtalar, qoldan jasalǵan jarylǵysh qurylǵylar jáne jarylmaǵan snarıadtar týraly bilimdi, kúsh qoldaný erejelerin, sondaı-aq halyqaralyq jáne gýmanıtarlyq quqyq normalaryn qarqyndy meńgerip jatyr», dedi mınıstr.