Ońtústik Koreıanyń Kanvon qalasynda IV qysqy jasóspirimder Olımpıadasynyń ekinshi kúni artta qaldy. Qazaqstan qorjynynda ázirge eki medal bar.
Olımpıadanyń alǵashqy kúni shańǵymen tuǵyrdan sekirýden Qazaqstan komandasynyń múshesi Ilıa Mızernyh chempıon atanyp, tuńǵysh altyndy jeńip aldy. Al kelesi kúni short-trekten 1000 metr qashyqtyqta synǵa túsken sportshylarymyz arasynan Polına Omelchýk máre syzyǵyn úshinshi bolyp kesip ótip, Qazaqstan qorjynyna qola medal saldy. Ol 1000 metr qashyqty 1:41,600 ýaqyt kórsetkishimen baǵyndyrdy. Atalǵan synda birinshi jáne ekinshi oryndardy qytaılyq sportshylar Szınszy Lı men Szınchjý Iаn jeńip aldy.
Osy jeńisterden keıin Qazaqstan 1 altyn, 1 qola medalmen jalpy esepte 6-orynda keledi. Búgingi kúnge deıin Kanvon olımpıadasynyń medalin 18 memlekettiń ulttyq quramalary alyp úlgergen. Medaldar kestesinde Fransııa kósh bastap tur. Fransııa – 4 altyn, 2 kúmis, 1 qola, Italııa – 4 altyn, 1 kúmis, 2 qola, Qytaı – 3 altyn, 3 kúmis, Germanııa – 2 altyn, 2 kúmis, 1 qola, Slovenııa – 2 altyn.