Qyzylsha boıynsha epıdemıologııalyq jaǵdaıdy turaqtandyrý boıynsha qabyldanyp jatqan sharalar oń dınamıkaǵa ákelip, ótken jylǵy jeltoqsannyń uqsas kezeńimen salystyrǵanda osy aıdyń sońǵy úsh aptasynda el boıynsha syrqattaný deńgeıi 8%-ǵa tómendegen, dep habarlaıdy Egemen.kz Densaýlyq saqtaý mınıstrliginiń baspasóz qyzmetine silteme jasap.
Qosymsha jappaı ımmýndaý sheńberinde 6-10 aılyq balalardyń 70%-dan astamy, sondaı-aq 2-4 jas aralyǵyndaǵy balalar egilgen, ıaǵnı bul – mıllıonnan astam halyqty quraıdy.
1 jastaǵy balalardy qyzylshaǵa qarsy josparly ekpe egýmen qamtý 100,7%-ǵa deıin, al 6 jastaǵy balalardy DDU usynǵan 95,5%-dan kem emes deńgeı kezinde 99,6%-ǵa jetti.
27 myńnan astam buryn egilmegen baılanysta bolǵan adamdardyń oshaqtarynda shuǵyl ekpe egý jumysy júrgizildi.
Buryn ekpe egýdi ótkizip alǵan 18 jasqa deıingi 178 myńnan astam bala egildi.
«Jalpy, halyqty josparly ekpe egýmen, qosymsha jappaı ımmýndaýmen, reprodýktıvti R sanymen, sondaı-aq tirkelgen jaǵdaılardyń sanymen qamtý kórsetkishteri boıynsha eldegi qyzylsha boıynsha jaǵdaıdyń turaqtanǵanyn atap ótýge bolady», delingen vedomstvo habarlamasynda.