Makroekonomıka saýalnamasynyń nátıjesi

Saýalnamaǵa qatysqan naryq­tyń kásibı ókilderi, zertteý ıns­tıtýttary, halyqaralyq uıymdar men reıtıngtik agenttikteriniń ishki jáne álemdik naryqtaǵy ahýaldyń damýyna qatysty derbes pikirleri, baǵalaýlaryna sholý jasaldy. Osylaısha, 2024-2025 jyldar aralyǵynda munaı baǵasy qalpynda saqtalyp, me­dıanalyq kútýlerde Brent mar­kaly munaıdyń baǵasy orta esep­pen barreline 80 AQSh dol­laryn quraıtyndyǵyn, el eko­nomıkasynyń ósimine qatysty 2024-2025 jyldarǵa arnalǵan boljamdar sáıkesinshe, 4,5% jáne 5% deńgeıinde saqtalyp, 2026 jylǵa IJО́ 4,2%-ǵa ulǵaıa­tyndyǵyn aıtady. Taldaýshylar osy jyly ınflıasııa boljamyn 8%-dan 7,5%-ǵa deıin birshama jaqsarǵandyǵyn, 2025 jylǵa qaraı 6,9% bolýy múmkin dep otyr. Sonymen qatar bıylǵy jylǵa bazalyq mólsherleme 12%-dan 13,5%-ǵa deıingi aralyqta, 2025 jyly 10% deńgeıinde saq­ta­lady dep boljaıdy.

Al Qarjygerler qaýymdas­tyǵy usynǵan málimetterge qara­ǵanda, sarapshylardyń tórtten úsh bóligi, ıaǵnı 94%-y qańtar aıynyń 19 kúni ótken monetarlyq saıasat otyrysynda bazalyq mól­sherlemeniń tómendeýi yqtı­mal­dyǵyn dál boljaǵan. Sony­men qatar qaýymdastyq osy aıdaǵy keı­bir ındıkatorlarǵa qatysty qarjy naryǵynyń kásibı qa­tysýshylarynyń kezekti saýal­namasyn usynyp, Brent markaly munaıdyń quny, reseı rýbline qarsy AQSh dollarynyń quny, ulttyq valıýtaǵa qarsy AQSh dollarynyń quny, ınflıasııa, ishki jalpy ónim men Ulttyq banktiń bazalyq mólsherlemesi boıynsha oılaryn zerdelegen.

Mamandar aqsha-nesıe sharttaryn qalypqa keltirý bıylǵy jyly eldegi jáne kóptegen saýda seriktesterindegi ınflıasııalyq qysymnyń turaqty tómendeýi aıasynda jalǵasatyndyǵyn aı­tady. Elimizde qarjylyq jaǵ­daılardy jaqsartýda iri ınfraqurylymdyq jobalardy iske asyrýda, bıýdjettik yntalandyrýda jáne energııa resýrs­taryna berilgen joǵary baǵamen qatar ekonomıkanyń ósimin qol­daıdy. Qaýymdastyq bir jyl­dan keıin munaı baǵasynyń jáne OPEK+ shıkizatyn óndirýdi odan ári túzetýge jáne paıyzdyq mólsherlemeniń jahandyq tó­mendeýimen baılanystyryp, valıýta naryǵy aqpan aıynyń basynda USD/KZT baǵamy bir dollar úshin 457,4 teńge deńgeıinde bolady dep boljanyp otyr. Bir jyldan keıin USD/KZT teńgelik aktıvterdiń tómendeýi (paıyzdyq mólsherle­meler), ımporttyń ósýi (ınfra­qurylymdyq jobalardy iske asyrý) jáne syrtqy borysh boıynsha iri tólem­der (24-25 jyldary Qarjy mı­nıstrliginiń eýrooblıgasııalary boıynsha tólemder) aıasynda bir dollar 484,1 teńgege deıin ósý yqtı­maldyǵyn eskertedi.