«Qazgıdromet» RMK el aýmaǵynda aqpan aıynda aýa raıy qandaı bolatynyn aıtyp, kóktemge mezgildik boljamyn usyndy, dep jazady Egemen.kz.
Sınoptıkterdiń málimetinshe aqpanda aýa raıy qubylyp, temperatýra jyl saıynǵy normadan 1-2 gradýs jyly bolady. Alaıda aqpanda el terrıtorııasyn aıaz aınalyp ótpeıdi.
Aıdyń alǵashqy onkúndiginde kún raıy qubylyp soltústik-shyǵys óńirlerde temperatýra kórsetkishi kúndiz - 4, - 16 gradýsty kórsetse, ekinshi, úshinshi onkúndik aıazdy bolady. Jaýyn-shashyn norma mólsherinde bolady dep boljanyp otyr.
Al Astana qalasynda aqpan aıynyń basy men úshinshi onkúndiktiń ortasynda qarly boran soǵýy yqtımal.
Almaty qalasy men oblysta aqpandaǵy ortasha temperatýra - 0,8, - 11,3 gradýs shamasynda bolady.
Kúnniń kúrt sýytýy aqpannyń alǵashqy onkúndiginiń sońynda kútiledi. Taýly aımaqtarda -20 gradýsqa deıin aıaz bolady. Aıdyń úshinshi onkúndiginde jaýyn jaýady dep boljanǵan.
Ońtústik sıklondardyń paıda bolýyna baılanysty aýa temperatýrasy ońtústik oblystarda +5, +15 gradýsqa deıin kóteriledi.
Sınoptıkter kóktem lebi ońtústik aımaqtarda aqpannyń sońǵy onkúndiginde sezile bastaıdy dep boljaıdy.
«Naýryz aıynda Qazaqstan aýmaǵyndaǵy aýanyń ortasha temperatýrasy normadan 2° joǵary bolady dep boljanyp otyr. Jaýyn-shashyn mólsheri elimizdiń basym bóliginde normadan kóp jaýady», delingen «Qazgıdromet» RMK habarlamasynda.