Jaqynda Dýbaıdaǵy álemdik dodada Tilek Muqanbetqalıevtyń Kabırhan atty sáıgúligi Birikken Arab Ámirlikterindegi «Meıdan» ıppodromynda ótken báıgeden álemdik jarysta top jaryp, bas júldeni ıemdengenin bilemiz.
Tulpardyń ıesi Tilek Muqanbetqalıev birshama tyń derekpen bólisti. Onyń aıtýynsha, Kabırhannyń turqyn kórgen at synshylary ony 100 jylda bir týatyn tulpar dep baǵalaǵan. Toǵyz ret báıgege shaýyp, sonyń segizinde birinshi, tek bireýinen ekinshi kelgen Kabırhanǵa at ustaýshylardyń nazary birden aýǵan.
«Kabırhandy sat degender kóp boldy. Reseıden de surady. Biraq kelispedik. Qansha usynǵandary qupııa bolyp qalsyn. Eń kóbi 1 mıllıon dollar berdi, satpadym», deıdi attyń ıesi.
Sondaı-aq ol jarystarǵa qatysqan saıyn Kabırhannyń reıtıngi ósip jatqanyn jetkizdi. «Biraz júlde utty. О́z-ózin aqtap qoıǵan. Reseıde 5,5 mıllıon rýbl utty, teńgege shaqsaq, 27 mıllıon teńge. Al Dýbaıda 126 myń dırhem jeńdi. Endi ony baǵammen eseptesek, 35 myń AQSh dollary», dedi Tilek Muqanbetqalıev.