28 iri joba: Nátıjesin ýaqyt kórsetedi

Derekke sensek, 2023 jyly oblys boıynsha jalpy quny 75 mlrd teńgeni quraıtyn 13 jańa óndi­ris oshaǵy iske qosylypty. Sa­lys­tyryp qarasaq, 2024 jyly atqarylatyn jumys aýqymy byl­tyrǵyǵa qaraǵanda eki ese joǵary eken. Naqtyraq aıtar bolsaq, osy jyly 180 mıllıard teńgeden as­tam qarajatty quraıtyn 28 joba­ny iske asyrý josparlanǵan. Tú­si­ne bilgenge bul, árıne, az sharýa emes.

О́ńir basshysynyń sózine sen­sek, aldaǵy ýaqytta jalpy soma­sy 2,3 trıllıon teńgeni quraı­tyn 69 jobany iske asyrýdyń qam-qareketi jasalyp jatyr. Ná­tı­jesinde, 5,5 myń adam ju­mys­­­pen qamtylatyn kórinedi. Bul ju­mystar aldaǵy birneshe jyl­dyń bederinde iske asatyn sekildi.

О́ńirge qaýqarly ınvestorlardy tartýdyń mańyzy zor ekeni anyq. Memleket basshysy Qasym-Jomart Toqaevtyń ózi óńirlerde jumys ornyn arttyrý qajetin shegelep tapsyrǵany málim. Pre­zıdent tapsyrmasyn iske asyrý úshin jergilikti atqarýshy bılik­tiń tizginin ustaǵandar tynbaı ju­mys isteýi kerek. Sheteldik áleýet­ti ınvestorlarmen birlesip ju­mys isteýge basa den qoıǵan óńir basshysy Erbol Qarashókeev alys-jaqyn shet memleketterdegi qýat­ty kompanııa ókilderimen jıi-jıi júzdesip, olardyń jobala­ry­na qoldaý kórsetip júr.

Taıaýda ǵana óńir basshysy E.Qa­­ra­­shókeev Qytaı Halyq Respýb­­lı­­ka­syna saparmen baryp qaıtty. Issapar barysynda Shan­­dýn provınsııasyndaǵy bıznes fo­rým sheńberinde áleýe­ti zor shetel­dik ınvestorlar­men júzdesip, bir­le­sip jumys isteý­diń joba-jospa­ryn pysyqtaǵan. Iskerlik baılanys­ty nyǵaıtý maqsatynda uıymdasty­rylǵan kezdesý barysynda jergilikti ınvestorlar Jambyl jerinde qol­ǵa alynǵan is-sharalardy joǵa­ry ba­ǵalapty. Jumylǵan judy­ryq­taı birlese jumys isteýge nıet bildirgen­der de joq emes. Árıne, oblys basshysy olardyń ınvestısııalyq jobalaryn tolyq­qandy zerdeleýge mán berip otyr­ǵany anyq. Eń bastysy, jergilikti halyqty jumyspen qamtý máselesi nazardan tys qalmaq emes.

Jambyl oblysy ákimdiginiń baspasóz qyzmeti taratqan derekke júginsek, oblys basshysynyń Qy­taıǵa barǵan sapary jemisti túıin­delgen kórinedi. Qytaılyq «GUOFENG» kompanııasy Baı­zaq aýdany aýmaǵynda jańa jo­bany qolǵa almaqshy. Kom­panııa basshylyǵy Baızaq jerin­de traktor qurastyrý isin jetil­dirýge qulshynyp otyr. Bul jumys taraptardyń qoldaýy negizinde tolyqtaı júzege assa, jambyldyq sharýalar úshin de tıimdi bolatynyna talas joq.

Jergilikti atqarýshy bılik jyl­­dar boıy Áýlıeata je­rin­­de jańartylǵan energııa kóz­­de­ri nysandarynyń sanyn art­ty­­rý máselesine aıryqsha nazar aýdaryp otyrǵany málim. Qytaılyq áleýetti kompanııa­lar bul isti de qolǵa alýǵa, naq­ty nátıje shyǵarýǵa nıetti. Any­ǵyraq aıtar bolsaq, «Zaozhuang Zeneng Electric Power Engineering Go Ltd» kompanııasynyń resmı ókilderi buǵan deıin de Jambyl oblysyna at basyn buryp, ınves­tısııa salýdyń eki tarapqa qan­shalyqty tıimdi bolatynyn zerdelep ketken edi. Endi bul kom­pa­­nııa­nyń basshylary aldaǵy ýa­qyt­ta jobany iske asyrýdyń jol­daryn qarastyryp otyr. So­ǵan qaraǵanda ınvestısııalyq jo­ba qos tarap úshin de tıimdi sekildi.

Aımaq basshysy óńirde aýyl sha­rýashylyǵy tehnıkasyn shy­ǵarý, astyqty, aýyl sharýa­shy­ly­ǵy ónimderin tereń óńdeý má­se­lelerine aıryqsha den qoıyp otyr. Ol osy bir ótkir má­se­leni retke keltirýdiń mańy­zy zor eke­nin birneshe márte aıt­qan da bolatyn. Ol úshin, árıne, áleýetti kom­panııalarmen ton­nyń ishki baýyndaı aralasyp, jumys isteý kerek. Sońǵy derek­terge zer salsaq, qytaılyq ınves­torlardyń osy baǵyttar boıynsha jobalardy qolǵa alý maqsatymen Jambyl oblysyna aǵylatyn ýaqyty da alys emes.

Jambyl oblysy fosfor óndiri­sinde elimizdiń lokomotıv óńirine aınal­ǵanyna talaı jyl boldy. Jeti myńnan astam azamatty jumyspen qamtyp otyrǵan «Qazfosfat» JShS-nyń jumysy jyl ótken saıyn jandanyp keledi. О́ndiris kólemi de birneshe jylǵy kórsetkishke qaraǵanda artqan. Iri seriktestiktiń qolǵa alǵan jumysyn ármen qaraı jetildire túsý úshin sheteldik áriptestermen birlese jumys atqarýdyń mańyzy zor ekeni anyq. E.Qarashókeev Qytaıdyń Hýbaı provınsııasyna barǵan saparynda bul máseleni de nazardan tys qaldyrmaǵan.

Derekke júginsek, «Qaz­fosfat» JShS men qytaılyq «Wuhan Top Resources Holdings Co Ltd» kompa­nııasynyń arasynda ózara ynty­maqtastyq týraly kelisimge qol qoıylǵan. Qazirgi ýaqytta atalǵan kom­panııamen elektromobılderge arnal­ǵan lıtıı-temir-fosfat akkýmýlıatorlaryn óndirý, «Jańa Jambyl fosfor» zaýytynda óndiriletin sary fosfordy Qytaıǵa eksporttaý, sary fosfor men quramynda fosfor bar ónim óndiretin jańa keshen salý máseleleri jan-jaqty zerdelenip jatyr eken. Taraptar til tabyssa, Jambylda jańa keshen boı kóterýi yqtımal.

Qytaılyq «VNK Group» jáne «Ningbo mengkwa machinery co ltd» kompanııa­la­rymen de tıisti deńgeıde kelis­sóz júrgizildi. Kom­panııa bas­shy­­lyǵy 2024 jyldyń sońy­na deıin jalpy quny 4,4 mln dol­­lar­dy quraıtyn tamshylatyp sýarý júıe­leri men polıetılen qubyr­la­ryn shyǵaratyn zaýyt salýdy jos­par­­lap otyr. Jergilikti atqarýshy bılik olarǵa qoldan kelgenshe qoldaý kórse­týge ázir.

Jalpy alǵanda, óńir basshysy Erbol Qarashókeev Jambyl oblysynda óndiris oshaqtarynyń sanyn da, olardyń jumysynyń sapasyn da arttyrý máselesine aıryqsha nazar aýdaryp otyr. Jaýapty basqarmalardyń basshylary men aýdan ákimderine sheteldik ınvestorlarǵa qoldan kelgenshe qoldaý kórsetýdiń mańyzdy ekenin de shegelep tapsyrdy. Bir anyǵy, E. Qarashókeev sheteldik kompanııalardy Jam­bylǵa shaqyrý arqyly óńirde óndiristi órkendetýge den qoı­maq­shy. Nátıjesi qandaı bolaryn ýaqyt kórseter.

Jambyl oblysy