Kóripkelge joǵalǵan adamdardyń elesi kóringen, dep habarlaıdy Egemen.kz.
"Astana" arnasynyń málimetinshe, Maıqaıyńdaǵy altyn shahtasyna qulap, tabylmaı jatqan qutqarýshylardyń týystary kóripkel shaqyrdy.
Ol apat ornyna arnaıy kelip, avtobýstyń boljaldy ornyn aıtqan. Onyń sózinshe, baqsyǵa eki adamnyń da elesi kóringen. Qutqarýshylarǵa shuńqyrdaǵy qyzǵylt tústi jerdi qazýdy ótinipti. Qazir oqıǵa ornynda izdeý jumystary júrgizilip jatyr.
- Men kenet ketip baramyn. О́zimniń kózqarasymdy olarǵa aıttym. Bul - jerden sómkeni alyp kótere salatyn nárse emes qoı. Meniń oıymsha búgin túnge deıin úlgerse úlgeredi, úlgermese erteń ol jer týraly estıtin bolamyz. Sebebi, ony kórsetkendeı boldym. Eki adam da maǵan kórindi. Sol men kórsetken jerden tabylady dep úmittenemin. Men bara jatqanda-aq maǵan arýaqtar aıan berdi. Barǵan soń shuńqyrdan qyzǵylt tústi kóresiń, sol jerde jatyr dedi. Men barǵanda qyzǵylt tústi aýmaqty kórdim. Qazir sol jerdi qazyp jatyr, - deıdi kóripkel.
Oblystyq Tótenshe jaǵdaılar departamenti eshqandaı baqsy shaqyrmaǵandaryn habarlady. Al kóripkeldi joǵalǵan adamnyń týystary aldyrtqanyn rastady. Biraq, izdeý jumystary baqsy aıtqan jerden emes, georadardyń kómegimen jasalynyp jatqanyn jetkizdi.