Aqpannyń 2-12 aralyǵynda Bolgarııanyń Sofııa qalasynda halyqaralyq Strandja týrnıri ótedi. Álem chempıonatyna para-par dodaǵa kimderdiń qatysatyny naqtylandy, dep jazady Egemen.kz Qazaqstan boks federasııasynyń baspasóz qymetine silteme jasap.
1950 jyldan beri turaqty ótkizilip kele jatqan Strandja kýbogine álem chempıony Sanjar Táshkenbaı (51 kg) bastaǵan boksshylar attanady. 54 kg salmaqta Dáýlet Moldashev, 57 kıloda Orazbek Asylqulov, 60 kg salmaqta Rýslan Kúzeýbaev, 63,5 kg: Erasyl Tańqaı, 67 kg: Dýlat Bekbaýov, 71 kıloda Talǵat Shaıken, 75 kıloda Nurqanat Raıys, 80 kg salmaqta Tursynbaı Qulahmet, 86 kg salmaq dárejesinde Abzal Quttybekov aıqasqa túsedi.
Aqpan aıynyń sońynda Italııada Parıj jazǵy Olımpıadasyna álemdik irikteý týrnıri bastalady. Bas bapker Myrzaǵalı Aıtjanov Bolgarııaǵa ulttyq quramanyń negizgi quramyn qosqan joq.