Áleýmettik jelide taraǵan vıdeoǵa qaraǵanda, zardap shekkender bar, dep habarlaıdy Egemen.kz aqparat agenttigi.
«Kólikpen jumysqa ketip bara jatyr edik, mynandaı oqys oqıǵanyń kýási boldyq. Kóliktiń astyna qysylyp qalǵan jas jigitti jabylyp shyǵaryp aldyq. Jasy 17-de eken. О́zi aman-esen. Oǵan kómektesip jatqanda taǵy bir jol apaty oryn aldy»,- dep jazdy oqıǵanyń kýágeri.
Belgili bolǵandaı, jol apatynyń bári 26 qańtar kúni tańerteń Almaty-О́skemen tasjolynyń Almaty-Qonaev aqyly bóliginde bolǵan.
«Aldyn ala málimet boıynsha, Mitsubishi Legnum kóliginiń júrgizýshisi rýldi basqara almaı elektr baǵanasyna soǵylǵan, keıin ony evakýasııalaý úshin Mazda kóligi kómekke keledi. Sol kezde JAC kóliginiń júrgizýshisi qashyqtyqty saqtamaı Mazda-ǵa kelip soǵyldy»,- delingen QazAvtoJol taratqan derekte.