Qurlyqtyq hokkeı lıgasynda (QHL) óner kórsetip júrgen Astananyń «Barysy» qatarynan besinshi kezdesýinde jeńilis tapty.
Sońǵy ret jerlesterimiz 16 qańtarda Ýfanyń «Salavat Iýlaevyn» býllıt soǵý barysynda jeńgen edi. Odan keıin Máskeýdiń SSKA (2:5), Ekaterınbýrgtiń «Avtomobılıst» (2:3), Sankt-Peterbýrgtiń SKA (0:7) jáne Tolıattıdiń «Lada» (0:2) klýbtaryna ese jiberdi. Keshe «Barys» óz muzaıdynynda Qazannyń «Aq Barsyn» qabyldady. Birinshi kezeńde tatarstandyq Dmıtrıı Iýdın men Kırıll Semenov soqqan shaıbaǵa chehııalyq legıoner Davıd Sklenıchkanyń ǵana golymen jaýap qaıyrýǵa jarady. Úzilisten keıin qos komanda bir-biriniń qaqpa kiltin taba almady. 47-mınýtta Mıtchell Mıller matchtyń sońǵy núktesin qoıdy. Esep – 1:3.
Qazir «Barys» jarys kestesinde 20-oryndy qanaǵat tutyp tur. Elordalyq klýbtyń enshisinde nebári 41 upaı ǵana bar. О́ziniń kelesi kezdesýin otandastarymyz 31 qańtarda Ombynyń «Avangardyna» qarsy ótkizedi.