Tanymal aıtysker aqyn Aısholpan Tileýtaıǵa Stambul qalasynda ota jasaldy, dep habarlaıdy Egemen.kz.
О́ner ıesi asqazany syr berip, eki ret ota jasalǵanyn beınejazba arqyly jarııa etti.
- El aryqta dep kelemejdep, mysqyldap syrtymnan kúlip júrgende asqazanymda aýrý baryn da baıqamaı qalyppyn. Artyq salmaqtyń sheshimin tabamyz, aldyn alamyz Stambýlǵa kel dep shaqyrǵan aǵa-ápkelerime raqmet! Jalpy asqazanyma 2 ota jasaldy.Qazirgi tańda jaǵdaıym jaqsy. Jeke paraqshama alty saǵat ýaqyt ishinde 1700-deı pikir jazylypty. Barlyǵy saýlyǵymdy tilegen, demeý bergen, qaırat berip, Alladan rahym surap, duǵa jasaǵan aq tilekter eken. Kádimgideı qýanyp, qýattanyp qaldym. “Jaqsy sóz – jarym yrys” degendi shyn sezindim. Qazaq elim, sizderdi jaqsy kóremin, – dep sálem joldady aıtysker aqyn.
Sondaı-aq ol syrtqy dene bitimine baılanysty kóp negatıv pikir jazatyndarǵa renjip qalatynyn jasyrmady.
- Abaılap sóıle sózińe,Dushpannyń biri til degen.О́zińe jeńil bolǵanmen,О́zgege aýyr zil degen…., – dep Abaı atamyz dál aıtqan. Meniń syrtqy kelbetime tıisetinder az emes. “Qabaq bolyp ketkensiń”, “Pilge uqsap qaldyń”, “Betińdi maı basyp ketipti” dep pikir jazatyndar kóp. Sońǵy 3-4 jylda salmaǵym kúnnen kúnge ósip ketti. Ol asqazanymdaǵy kináratqa baılanysty eken. Eki otanyń biri asqazandaǵy “gryjany” aldy, ekinshisi kólemin kishireıtti. Dıeta ustap, densaýlyqty kútemin, – deıdi Aısholpan.