Ońtústik Koreıada ótip jatqan IV qysqy jasóspirimder Olımpıadasynda elordalyq sportshylar alǵashqy qarsylasyn jeńdi, dep habarlaıdy Egemen.kz elorda ákimdiginiń baspasóz qyzmetine silteme jasap.
Kerlıngten qysqy jasóspirimder Olımpıadasynda birinshi ret óner kórsetken jerlesterimiz toptyq kezeńde iri jeńiske qol jetkizdi.
Aralas juptyq básekede óner kórsetken ápkeli-inili Mereı men Ibragım Tastemirler Italııa eliniń sportshylaryn aıqyn basymdyqpen utty. Esep: 10:2.
Endi erteń Astana ýaqyty boıynsha 09:30-da quramamyz sheshýshi oıyndy Danııaǵa qarsy ótkizedi.
IV qysqy jasóspirimder Olımpıadasy 1 aqpan kúni máresine jetedi.