Halyqaralyq fýtbol tarıhy men statıstıkasy federasııasy (IFFHS) 2023 jyldyń qorytyndysy boıynsha álemniń eń úzdik klýbtarynyń tizimin jarııalady.
Úzdikter kóshin «Manchester Sıtı» bastap tur. Byltyr bul komanda Anglııa Premer-lıgasyn utyp, el kýbogin ıelendi. ÝEFA Chempıondar lıgasynda qarsylas shaq keltirmeı, ÝEFA sýperkýbogin oljalady. Odan bólek, klýbtyq álem chempıonatynda aldyna jan salmady. Madrıdtiń «Realy» ekinshi oryn alsa, Mılannyń «Interi» úshinshi satyǵa taban tiredi. Sondaı-aq «Al-Ahlı» (Mysyr), PSV (Nıderland), «Baıer» (Germanııa), «Flýmınense» (Brazılııa), «Fıorentına» (Italııa), «Palmeıras» (Brazılııa) jáne «Portý» (Portýgalııa) syndy áıgili klýbtar TOP-10 komandanyń qatarynan kórindi.
Qazaqstannyń klýbtary arasynda eń jaqsy nátıje «Astanaǵa» tıesili. Elordalyq fýtbolshylar 414-oryndy enshiledi. Salystyrmaly túrde alsaq, «Astana» Sankt-Peterbýrgtiń «Zenıt», Máskeýdiń «Lokomotıv» jáne taǵy basqa birqatar beldi komandalardan joǵary tur.