QR Ulttyq qaýipsizdik komıteti qańtar aıyndaǵy jumysynyń qorytyndysyn jarııalady, dep habarlaıdy Egemen.kz.
Shekara keńistiginde Qazaqstan Respýblıkasynyń zańnamalaryn buzǵan 2 776 adam ustaldy, sonyń ishinde 13 shetel azamaty shekarany buzǵany úshin ustaldy, al 19 shetel azamatymen shekarany buzý áreketteriniń joly kesildi.
Memlekettik shekara arqyly 881 zańsyz alyp ótý faktileriniń aldy alyndy, sonyń ishinde:
50 – esirtki zattaryn, jalpy salmaǵy 3,3 kg; 25 – atý qarýy men oq-dáriler (15 dana atý jáne 1 451 dana sýyq qarý, 101 dana oq-dáriler); 47 – dinı ádebıet (1 757 dana); 281 – jalpy somasy 9 mln teńgeden asatyn janar-jaǵarmaı materıaldary (37 600 lıtr); 408 – jalpy somasy 1,2 mlrd teńgeden astam halyq tutynatyn taýarlar; 70 – jalpy somasy 940 mln teńgeden astam valıýta.Sonymen qatar Kaspıı akvatorııasynda zalal somasy 6 mln teńgeni quraıtyn 2 brakonerlik faktileriniń aldy aldy.
Bul faktiler boıynsha materıaldar buzýshylardy jaýapkershilikke tartý úshin quqyq qorǵaý jáne sot organdaryna jiberildi.
Memlekettik shekarada qandaı da bir shekteý sharalary engizilgen joq, barlyq ótkizý pýnktteri shtattyq rejımde jumys istedi.