Sý resýrstary jáne ırrıgasııa mınıstri Nurjan Nurjigitov pen Ǵylym jáne joǵary bilim mınıstri Saıasat Nurbek sý salasynyń mamandyqtary máseleleri boıynsha birlesken keńes ótkizip, oǵan joǵary oqý oryndary men ǵylymı-zertteý ınstıtýttarynyń ókilderi qatysty, dep habarlaıdy Egemen.kz.
Sý resýrstary jáne ırrıgasııa mınıstrliginiń baspasóz qyzmetiniń málim etýinshe, «Bolashaq» baǵdarlamasyna ózgerister engizilip, oǵan «Gıdrogeologııa», «Sý resýrstary», «Sý qaýipsizdigi» sekildi mamandyqtar qosyldy. Nátıjesinde, bıyldan bastap Qazaqstan stýdentteri atalǵan mamandyqtar boıynsha shetelde bilim ala alady.
Qazirgi ýaqytta Qazaqstanda 10 oqý orny sý salasynyń mamandaryn daıarlaıdy. Al qazirgi ýaqytta sý mamandyqtary boıynsha 2500-ge jýyq stýdent oqıdy.
«Biz úshin sý salasy mamandyǵyn tartymdy etý mańyzdy. 2024 jyldyń basynan beri sý sharýashylyǵy qyzmetkerleriniń eńbekaqysy orta eseppen 22% - ǵa ósti. Bul Sý resýrstary jáne ırrıgasııa mınıstrligi ázirlegen is-sharalardyń arqasynda múmkin boldy. Sonymen qatar otandyq sý salasynyń kadrlyq áleýetin arttyrý úshin mınıstrlik sý sharýashylyǵy mamandaryn qaıta daıarlaýdy jáne olardyń biliktiligin arttyrýdy josparlap otyr», dedi Nurjan Nurjigitov.