«Maıqaıyń Altyn» AQ taý-ken telimi aýdanyndaǵy opyrylǵan jerden qutqarýshylar jańa bólshekterdi tapty, dep habarlaıdy Egemen.kz.
- «Maıqaıyń Altyn» AQ kenishinde izdeý jumystary júrgizilgen jerde búgin jańa bólshekter, ıaǵnı qutqarýshynyń kaskasy, avtobýstyń ishki sóresi esiginiń kishigirim bóligi jáne de qutqarýshynyń «XFERRA» qol radıostansııasy tabylyp, jer betine shyǵaryldy, - dep jazdy Pavlodar oblysynyń ákimi Asaıyn Baıhanov.
Eske salsaq, 4 qańtarda shaqyrtýǵa shyqqan qutqarýshylardyń avtobýsy altyn kenishiniń shahtasyna opyrylyp túsip, apatqa ushyraǵany belgili boldy.
Oqıǵa ornynda eki qyzmetkerdiń denesi tabyldy. Taǵy ekeýiniń denesi áli izdestirilip jatyr.