«Digital Almaty-2024» altynshy halyqaralyq sıfrlyq forýmy alańynda bolashaǵy zor startaptar, bıznes ókilderi, memlekettik qyzmetkerler men sheteldik sarapshylar bas qosty, dep habarlaıdy Egemen.kz.
Forým «X ındýstrııasy: bolashaqtyń sıfrlyq evolıýsııasy» dep ataldy. Biz óz kezeginde «Digital Almaty-2024»kórmesiniń maqsaty men qatysýshylary qazaqstandyqtarǵa ne usyna alatynyn óz kózimizben kórmek boldyq. Jýrnalısterdiń suraǵyna Sıfrlyq damý mınıstri Baǵdat Mýsın men «Aqparattyq tehnologııalar parki» avtonomdy klasterlik qorynyń bas dırektory Baýyrjan Kankın jaýap berdi.
Kórmede 300-den astam qazaqstandyq jáne halyqaralyq IT-kompanııalardyń, sonymen qatar sıfrlandyrýdyń GovTech, AgroTech, Industry 4.0, ESG, Smart City jáne t.b. salalaryndaǵy memlekettik organdardyń sıfrlyq jobalary usynylǵan.
Úkimet basshylaryna Qazaqstan Respýblıkasynyń memlekettik aqparattyq júıelerindegi biryńǵaı standarttardy saqtaýdy qamtamasyz etetin Qaztech platformasy jáne kásipkerlik qyzmetti «nólden» retteýdiń sıfrlyq negizi usynyldy. Kompanııalardyń biriniń ókili Aleksandr Popovskıı úkimet basshylaryna Qazaqstanda halyq pen bızneske arnalǵan 10-nan astam qyzmet túri jumys isteıtinin aıtty.
«Biz óz qyzmetterimizdi barlyǵyna qoljetimdi etýge tyrysamyz. 2023 jyly biz: qazaq tilinde «kartalar», mobıldi braýzer men qosymshada qazaq tilinde Alısa paıda boldy, Iаndeks braýzerinde beınelerdiń qazaq tiline neırondyq aýdarmasy, sonymen qatar qazaq tilinde izdeýde jyldam jaýaptar jasaldy», deıdi maman.
Sonymen qatar kórmede Qazaqstanda iske qosylǵan ónerkásiptik robottandyrý boıynsha Ortalyq Azııadaǵy birinshi quzyret ortalyǵynyń qyzmeti tanystyryldy.
Almatyda qazaqstandyq jetekshi IT-kompanııalar men startaptar da óz jobalaryn kórsetti. Kórmege kelýshilerge ondaǵan stendter usynyldy, onda óte shaǵyn jáne iri kompanııalar bolashaq ındýstrııalandyrý týraly óz kózqarastaryn kórsetti.
Biz birinshi kezekte altyndy ashyq ádispen óndirý prosesin baqylaýdy avtomattandyrýmen aınalysatyn kompanııanyń jumysymen tanystyq. Kompanııa qyzmetkeri Saparhan «Vobbler» dep atalatyn qurylǵynyń altyn óndirý barysynda drondardy paıdalanatynyn, qaı voblerlerdiń buzylǵanyn jáne jóndeýdi qajet etetinin dál anyqtaıtynyn, sol boıynsha altyn óndireretin tehnologııalardyń jumysyna skrıng júretinin aıtty.
«Biz bul prosesti drondardyń kómegimen avtomattandyrdyq. Kóbinese adamdar quralsyz júredi. Bul drondarmen qaýipsiz; sizge búkil óristi aralaýdyń qajeti joq. Biz búkil prosesti sıfrlandyryp, avtomattandyrdyq», deıdi Saparhan.
Kórmege qoıylǵan stend О́zbekstannan kelgen IT-parktiń ókilderi ortalyqtyń 2019 jyldan beri jumys istep kele jatqanyn, shyn máninde bul Astana Hub-tyń analogy ekenin aıtty. О́zbekstandyq Nıgora esimdi mamannyń aıtýynsha, bul ortalyq shetelde de mamandar men kompanııalar damı alatyn IT salasyna arnalǵan alań. Qazirgi ýaqytta saıabaq turǵyndarynyń quramynda 1600-den astam kompanııa men 26 myńnan astam maman bar.
«Park IT kompanııalarǵa jeńildikter beretindigimen erekshe. Bizdiń turǵyndar tabystan basqa salyqtan bosatylǵan», deıdi ol.
Bizdiń kózimiz túsken kelesi stend avtomattandyrylǵan baqylaý júıesin shyǵaratyn almatylyq kompanııaǵa tıesili eken. Kompanııa ókili Vıtalıı Ostapchýk bizdiń kóz aldymyzdaǵy tehnologııanyń bári sensorlar men lazerler júıesi ekenin aıtty. Lazer hımııalyq lastaýshymen janasqanda ımpýls jiberilip, aqparat beriledi.
«Datchıkter sıgnaldardy kontrollerge jiberedi, olar qalypty bloktarǵa aınalady jáne kez kelgen jerde – kásiporynnyń serverlerine nemese memlekettik organdarǵa beriledi», dedi Vıtalıı Ostapchýk.
Kórmeni aralap júrip ónerkásiptik robototehnıkanyń tutas bir ortalyǵy usynylǵanyn baıqap qaldyq. Bul kádimgi dánekerleý jumystaryn oryndaýǵa baǵdarlamalanǵan naǵyz robottar eken. Kompanııanyń ókili Igor Mýshnıkov bizge dánekerleý – robottandyrýdyń negizgi baǵyttarynyń biri ekenin aıtty. Bul zııandy jáne jaýapty jumys. Nátıje dánekerleýshiniń kóńil-kúıine baılanysty bolmaýy kerek.
«Dánekerleý – robototehnıkany alǵa jyljytqan alǵashqy tehnologııa», dedi Igor Mýshnıkov.
Kórme barysynda qoıylǵan tehnologııanyń bári jeke-jeke atap ótýge turarlyq. Al kelesi tanysqan dárigerlik skrınıng jasaıtyn keshen. Bul keshen dárigerdiń qabyldaýyn avtomatandyrǵanymen qundy.
Kompanııa menedjeri Anna Barsýkova jýrnalısterge ónerkásiptik óndiristegi medısınalyq tekserýlerdi avtomattandyratyn barlyq sheshimderdi qamtıtyn keshen týraly tolyq málimet berýge tyrysty. Onyń aıtýynsha, tehnologııa birer mınýt ishinde dene temperatýrasy, ımpýls, qan qysymy tárizdi kórsetkishterdi jınaıdy, medısınalyq tekserý ýaqytyn aıtarlyqtaı qysqartady. Eger aǵzanyń jumysynda aqaý tabylsa onyń sebebi týraly da málimet beredi.