Keshe áleýmettik jelide Astanadaǵy turǵyn úı keshenderiniń birinde belgisiz er adamnyń eki balany soqqyǵa jyqqan vıdeosy tarady. Oqıǵaǵa qatysty qalalyq polısııa departamenti túsinik berdi, dep jazady Egemen.kz.
Vıdeodan er adamnyń bir balany soqqyǵa jyǵyp, ekinshisin qylǵyndyrǵanyn baıqaýǵa bolady. Jeli qoldanýshylary oqıǵa «Edem palas-2» turǵyn úı kesheninde bolǵanyn jazdy.
Al polısııa buzaqynyń qolǵa túskenin habarlady.
«Baıqońyr aýdandyq polısııa basqarmasy «Edem palas-2» turǵyn úıiniń 30 jastaǵy turǵynyn anyqtap, ustady. Buzaqylyq babymen qylmystyq is qozǵaldy. Sotqa deıingi tergeý amaldary júrgizilip jatyr», delingen polısııa málimdemesinde.