Búgin Astanada Qazaqstan boks federasııasynyń jyldyq dástúrli jıyny ótti. Jıyn barysynda Federasııanyń jańa prezıdenti bolyp Shahmurat Mútálip saılandy, dep jazady Egemen.kz Boks federasııasynyń baspasóz qyzmetine silteme jasap.
Konferensııanyń kezekti otyrysynda ótken jyl qorytyndylanyp, erler jáne áıelder komandasy bas bapkerleriniń esebi tyńdaldy.
QBF jańa prezıdenti ózine júktelgen mindetti birlesip oryndaýdyń mańyzdylyǵyn atap ótti. Sondaı-aq ol senim artqan Qaýymdastyq múshelerine alǵys bildirip, ortaq maqsatqa jetý jolynda óziniń bar kúshin salatynyn aıtty.
«Maǵan júktelgen jaýapkershilikti sezine otyryp, Qazaqstan boksyn ári qaraı damytýǵa, sportshylarymyzǵa jan-jaqty qoldaý kórsetip, olardyń múddesin qorǵaýǵa, QBF rolin el ishinde jáne halyqaralyq deńgeıde arttyrýǵa bar kúshimdi salamyn. Bıyl ótetin mańyzdy dodalar qarsańynda komandanyń aldynda úlken bir maqsat tur. О́z tarapymyzdan daıyndyqqa qajetti barlyq jaǵdaıdy jasaýdy jalǵastyra beremiz. Birlese eńbek etý arqyly otandyq bokstyń álemdik arenadaǵy bedelin nyǵaıta túsemiz», dedi Sh.Mútálip.