Atyraýda psıhotroptyq dári-dármekterdi kolonııaǵa ákelý áreketi toqtatyldy, dep habarlaıdy Egemen.kz Ulttyq ulannyń baspasóz qyzmetine súıenip.
«Atyraý erler kolonııasy jedel bóliminiń bastyǵy Muratbek Bermahanovtyń habarlaýynsha, tyıym salynǵan zattar 29 qańtarda QR Ulttyq ulanynyń 5546 áskerı bóliminiń áskerı qyzmetshilerimen birlesip QAJD №15 mekemesiniń jedel qyzmetkerleri teksergen kezde «Eńbek Batys» RMK «Gazel» avtokóliginen tabylǵan.
Kólik jabyq mekemege azyq-túlik ákeledi. Tekserý kezinde ettiń arasyna tyǵylyp salynǵan eki bótelke psıhotroptyq dári-dármekteri bar jasyryn baılam tabyldy: 87 Tramadol tabletkasy», delingen aqparatta. Osy derek boıynsha, polısııa qyzmetkerleri sotqa deıingi tergeýdi bastady.