Memleket basshysy Qasym-Jomart Toqaev Qazaqstan Respýblıkasy Parlamenti Májilisindegi saıası partııalar fraksııalarynyń jetekshilerimen kezdesti, dep habarlaıdy Egemen.kz Aqorda baspasóz qyzmetine silteme jasap.
Kezdesýde Prezıdent Konstıtýsııanyń 44-babyna sáıkes Premer-mınıstr laýazymyna usynylǵan Oljas Bektenovtiń kandıdatýrasy jóninde fraksııa basshylarymen keńesýge tıis ekenin aıtty.
Talqylaýǵa «Amanat» partııasy fraksııasynyń jetekshisi Elnur Beısenbaev, Qazaqstan Halyq partııasy fraksııasynyń jetekshisi Magerram Magerramov, «Aq jol» partııasy fraksııasynyń jetekshisi Azat Perýashev, Jalpyulttyq sosıal-demokratııalyq partııasy fraksııasynyń jetekshisi Ashat Raqymjanov, «Aýyl» partııasy fraksııasynyń jetekshisi Serik Egizbaev, «Respublica» partııasy fraksııasynyń jetekshisi Aıdarbek Hodjanazarov qatysty.