Qostanai IT Hub – Memleket basshysynyń Joldaýyn júzege asyrý aıasynda ashylǵan el astanasyndaǵy Astana Hub tehnoparkiniń ókildigi. Munda IT ortalyq, zerthanalyq keshen, konferens-zal, kovorkıng jáne oıyn alańdary, taǵy basqa da salalyq sektorlar bar.
Qostanai IT Hub-ta startap-jobalar men IT-kompanııalarǵa arnalǵan bilim berý baǵdarlamalary, sondaı-aq túrli ınkýbasııalyq baǵdarlamalar, hakatondar men ózge de jańashyl tehnologııalyq izdenisterge iz ashatyn is-sharalar júzege asyrylady.
Jýyrda Úkimet basshylyǵynyń óńirge jumys sapary kezinde A.Baıtursynuly atyndaǵy Qostanaı óńirlik ýnıversıteti janyndaǵy Qostanai IT Hub ortalyǵyna óńirdiń shyǵarmashyl jastary jıi keledi. Jalpy, respýblıkada sıfrlyq ınfraqurylymdy damytý boıynsha belsendi jumys jalǵasyp jatyr. Máselen, keıingi 1,5 jyl ishinde 12 óńirlik IT-hab ashylǵan. Bıyl taǵy 7-eýin iske qosý josparlanyp otyr.
– Bizde daryndy jastar jeterlik. Mundaı IT habtar talantty jastarymyz úshin tartymdy ortalyqqa aınalmaq. Munda ınnovasııalyq tehnologııalar salasynda ózin-ózi jetildirýge jáne bilim alýǵa jaǵdaı jasalǵan. Nátıjesinde, jańa ázirlemeler men tıimdi jobalar paıda bolady. Mundaı múmkindikter men qoldaý sharalary barlyq óńirdegi jastarda bolýy mańyzdy, – degen edi burynǵy premer-mınıstr.
Qostanaı oblysy