Shveısarııanyń Bazel qalasynda jasóspirimder arasynda ótken shpagamen semserlesýden Álem kýboginiń kezeńdik saıysy aıaqtaldy.
Bul jarysta elimizdiń jas órenderi ózderin jaqsy qyrynan kórsetti. Quramynda Bogdan Lýkın, Alekseı Kasatkın jáne Kırıll Prohodov syndy tastúlekteri bar jerlesterimiz bastapqy básekelerde Polsha men Shveısarııany utsa, jartylaı fınalda AQSh sportshylaryna san soqtyrdy. Biraq aqtyq synda Majarstanǵa ese jiberdik. Sóıtip, Bazeldegi básekede Qazaqstannyń semserlesýshileri kúmis medaldi ıelendi.
Aldaǵy ýaqytta otandastarymyzdy kóptegen iri halyqaralyq jarys kútip tur. Olardyń arasyndaǵy eń irileri – Álem kýboginiń kezeńdik básekeleri, álem jáne Azııa birinshilikteri. Sol dúbirli dodalarda da bizdiń ul-qyzdar jeńis tuǵyryna kóteriledi dep úmittenemiz.